Popular Bible Verses from Nɔŋba 13

Share

Kɛ́lɛ Kelɛ è ǹûai kɛ̀ dí dímɛi sáa, nyii-ŋai kɛ̀ díŋuŋ su-woo saâi a Mose láai ǹyɛɛi, “Kwaa lí a maa félaa kú sée naa. Kpɛni fêi, pɔ̂ri káa kûɛ a gɛɛ kú gula-yeei kɛ́.”

Kú Nɛfiliŋ-ŋai kàa naa. Ǹûai ŋí díkaa a Anaki ǹônii-sinaai. Kú kúkpîŋ kàa nɔ́ díŋɛi yɛ̂ɛ tonîŋ-na. Ǹyaŋ bere nɔ́ ƃé kú kɛ̀ la díŋɛi.”

Kɛ́lɛ diai da Kelɛ-ni dí lìi, dí mò ǹûai dîa díyɛ̂ɛi, “Kúfa pɔ̂ri kɔ̂i ǹûai pɔ́. Kpɛni fêi, díwala-walai é tɛ́ɛ kûa.”

Ǹûai ŋí dífe tɔ̃yâ koraŋ-ƃo too ní Eezuɛ-ŋai dîɛ ǹɔii mɛni ma dí lì zu kâai. Dí mò dîyɛɛi, “Ǹɔii kú sìa zu zu-kaa mɛni mai va pɔ̂ri sí-sɛŋ kpɛtɛ̂i a gɛɛ kpîŋ é zu-ƃelai ŋá kɔ́ŋ. Ǹûai kú díkaa naai díkelee díyee-la mu-seɛɛ̂i.

Dí mò Mose mà díyêei, “Kú lì ǹɔii su í kú tɛ̀ɛ naai. Gáa a sí-sɛŋ kpɛtɛ-lɔii lɛ́lɛɛ. Zu si-sãai da ká ŋí.

Ǹûai díkaa ǹɔii sui díwala-walai, dítaa-ŋai kpaya-kpayai, dímaa tínaŋɔɔ a siɣãŋ. Kú Anaki ŋɔsuui su-ƃela kàa naa máŋ.

Amɛlɛka-ŋai díkaa vɛ̃ɛ-kpâlaŋ su ǹɔii kwára-pere, Ita-ŋai, Zɛbusi-ŋai da Amɔra-ŋai díkɛ ƃò ǹyee kwaai ma-pere. Keena-ŋai díkaa máŋ Mɛditɛrenia Yuoi da Zɔdiŋ Ya-leei ma pere.”

Dí pà Kedɛ Mose pɔ́ da Eelɔŋ é pɛ́lɛ Eezuɛ-ŋai kélee dîa. Kedɛ káa Paraŋ fɛ̃ɛ-kpalaŋ su. Dí díkoraŋ ƃò dîɛ da ǹûai kélee. Dí gbɔmɔ-ƃa tiyɔŋ lɛ̀ dîa nyii dí kùla la naai.