Kwa sɔnyɔ̂ŋ kɛ́ a yá kpɛ́ni fêi, dɔ̂ŋ í dɛ̀ɛ kúpɔ ítii kɛ́ ǹúui Mose sârai, kú fé kúyee see ní mu. Gono têei í gɛ̀ Mose yêei, gíli é lɛ́ɛ í ŋá. Í mò mà yɛ̂ɛi, ‘À kɛ̀ káai a Eezuɛ-ŋai, laa la a wàla kɛ́ káyêei ḿɛni ma, gɛ̀ ní ŋa pâi ká táa-tâai lɔii ŋuŋ da kpɛ́ni-ŋa su. Kɛ́lɛ kà tìnaŋ ŋɔ́nɔ ḿbɔ naa pêre, ká kɛ́ ŋá tɔ̂ŋ mɛi kâa, ŋa pâi pâi a káa pôlu ƃɛ́i ŋá ǹaa sìɣe a gɛɛ ká kɛ́ ḿvɛ̀li naai. À nɛ̃ɛ ma kpîŋ ká kɛ́ a kátaa tâa lɔii ŋuŋ da kpɛ́ni-ŋa su.’