Popular Bible Verses from Mâki 2

Share

Zîsɛ è m̀ɛni é m̀o dîa ǹyɛɛi, “Diai díkɔlɔ̂i ponoɔɔ̂i dífa sále kɛ́-nuu kɔ̀ri. Kɔlɔ-fela ƃela nɔ́ ƃa sále kɛ́-nuu kɔ̀ri. Fé pá ní a gɛ́ɛ ŋá tɔ̃yâ-ƃela tóli, fɛ̂ɛ sɔnyɔ̂ŋ-ƃela.”

Zîsɛ kɛ́ɛ a dílaa-lai káai, è mò mɛ̃lɛ-mɛ̃lɛŋ ǹalôŋ ma ǹyɛɛi, “Ńoŋ, ŋa ísu-mɛni lɛɛ zɔnyɔ̂ŋ-ŋai yâ gɛ̀i m̀ɛni ma.”

Nya ƃe Zîsɛ è ŋ̀óo lá kùla ǹyɛɛ dîai, “Ɣâla è Vii-tɔɔ-ɣelei kpɛ̀tɛ mɛni lɛ́lɛɛ kɛ́ mɛni ma núu-kpune mi, vé núu-kpune kpɛ̀tɛ ní mɛni lɛ́lɛɛ kɛ́ mɛni ma Vii-tɔɔ-ɣelei mi.

Kɛ́lɛ pere fé kɛ́ ní naa a gɛ́ɛ dí lɔ́ bɛ́rɛi mu. Nya ƃe dí lóa tèe bɛ́rɛi tôŋ su Zîsɛ ŋ̀uŋ mɛi dí mɛ̃lɛ-mɛ̃lɛŋ naloŋ yéŋ a gárai ma.

Ŋa pâi ǹɛ̂i kâa a gɛ́ɛ ńyãa, Núu-kpune Ǹóŋ, wála-wala-laa káa ńyêei nûa su-mɛni lɛɛ mɛni ma ǹɔii ma ƃɛ́.” Nya ƃe è mò mɛ̃lɛ-mɛ̃lɛŋ naloŋ ma, “Ŋá m̀ó yâ, ímu siɣe í ígarai síɣe í lí ípɔ naa.”

Nênɛ ƃé gɛ́-la nɛ̃ɛ̂i, a gɛ́ɛ ŋá m̀ó mɛ̃lɛ-mɛ̃lɛŋ naloŋ ŋí ma, ‘Ŋa ísu-mɛni lɛɛ,’ kpaa máŋ, ‘Ímu siɣe í ígarai síɣe lí ípɔ-taa’?

Nya ƃe ǹaloŋ è m̀u sìɣe a maa félaa díkelee díŋɛi é ŋɔgárai síɣe é lí. M̀ɛnii ŋí è dípɛlɛ pù, dí Ɣâla ŋɔfólo-laai maa tɛ, dîyɛɛi, “Kúfe nîi m̀ɛnii ŋí da naa káa ní!”