Popular Bible Verses from Maafîu 24

Share

Wɛli-kɛ-maa su a pâi saâi núu támaa kponôi, kpɛ́ni fêi, mɛni nyɔ́mɔɔ kɛ́ɛ a pâi ƃɔlɔ̂i. Kɛ́lɛ, ǹúui a ǹíi kpèle é lɛ́ɛ zu gbɛɛ ŋá-tãi é sérii, a pâi ƃálôi.

Gâloŋ-laai maa-tuŋ lɛ́lɛɛi ŋí a pâi ƃôi ǹɔii kwaa kélee a sêre-faa sîi kélee mɛni ma. Gɛ̀ ní, ŋ̀éniɛi kpɛɛ ŋá a pâi pâi.

Ka pâi kɔ́-kɔ-mɛni-ŋa mɛnîi da kɔ-tuŋ-ŋa. Kɛ́lɛ, kálii fé sɛlɛŋ. Kpɛ́ni fêi, fɛ̂ɛ mɛni-ŋai ŋí kélee dí tɛɛ, kɛ́lɛ vé pâi kɛ̂i a ŋ̀éniɛi kpɛɛ-ŋa.

Kpɛ́ni fêi, lɔii-ŋuŋ a pâi tɔɔ̂i lɔii-ŋuŋ ma. Kâloŋ-laa kɛ́ tɔɔ kâloŋ-laa ma. Puru a pâi toôi, ǹɔii kɛ́ kpɛ̃liŋ kwaa támaa ma. Kɛ́lɛ, mɛni-ŋai ŋí kélee káa nɔ́ a mɛni-soli-kaa kɔ́ɔ pîlanii.

Ŋelei da ǹɔii da pâi kpɛɛ̂i, kɛ́lɛ, ŋáwooi fé pâi wɔ́lɔ kpɛɛ̂i.

Kpɛ́ni fêi, núu támaa da pâi pâi ńaai su, díkɛ mo, dîyɛɛi, ‘Ńyãa ƃa Kôrai,’ ǹyaŋ da pâi núu tamaa pɛlɛ̂i.

“Gɛ̀ ní, da pâi kápilîi mɛni kpɔ̂lu támaa su, dí kápaa. Ŋ̀éniɛi su-ƃela kélee da pâi kákpɔarâi ńaai mɛni ma. Núu támaa da pâi toôi pôlu, díkɛ díkîe-ni maa nyáma lɔ, dí tela díkîe-ni kpɔara. Ɣâla maa-wôya lóno-kɛ-ƃela támaa da pâi siɣêi dí tɔɔ dí núu támaa pɛlɛ.

Nya ƃe Zîsɛ è díwoo su tòo, ǹyɛɛ diai, “Ka kámɛi káa a gɛɛ núu da fé kápɛ̀lɛ.

Mɛni ma, kaa máŋ ka kákpîŋ kpɛtɛ, kpɛ́ni fêi, aƃai kákili fé mai, zu ƃe núu-kpune Ǹóŋ a pâi pâi la.

Mɛni ma, ka kámɛi káa, kpɛ́ni fêi, káfe ŋelei kɔlɔŋ Kúnuu-namui a pâi lai.

“Maa ɣele-kuui tí da aƃai núu da kélee fé gɔlɔŋ. Ŋ̀âla-taa-kela-ŋai kpîŋ dífe gɔlɔŋ. Kpaa máŋ Nòŋ-nuui, fɛ̂ɛ nɔ Nàŋ-nuui.

Kpɛ́ni fêi, lɛ́ɛ-Kôrai-ƃela da Ɣâla-maa-wôya lono-kɛ-ƃela da pâi siɣêi dí tɔɔ, díkɛ ŋɛ́i-kɛ-maa kpaya-kpaya lɛ da mɛni kpaya-kpaya a gɛɛ, pɔ̂ri à kɛ̀ naa, dí díyee laa zu-ɣɛɛ-ƃelai dîa máŋ.

Ǹyaŋ bere nɔ́ è kɛ̀ la a Nôa ŋɔɣele-ŋai, bere nɔ́ ƃe núu-kpune Ǹóŋ pa-pere a pâi kɛ̂i la. Kpɛ́ni fêi, yɛ̂ɛ berei nɔ́ è kɛ̀ la ŋele-ŋai tí nyii-ŋai kɛ̀ ǹyá-fɛɛi tuɛi. Ǹûai dí kɛ̀ dílaa miî, díkɛ díkpele, surɔ̂ŋ kɛ́ nɛnî kùla, kpaa máŋ nɛnî kɛ́ surɔ̂ŋ kùla, é lɛ́ɛ la zu Nôa é tɛ́ ǹyá ŋá-keleŋ su. Dífe kɛ́ ní a gɔ́lɔŋɔɔ é lɛ́ɛ la zu ǹyá-fɛɛi é pá é lí a díkelee. Bere nɔ́ ƃe núu-kpune Ǹóŋ pa-pere a pâi kɛ̂i la.