Popular Bible Verses from Maafîu 19

Share

Zîsɛ è díkàa, ǹyɛɛ diai, “Nyiŋi bɔri fé núu-kpune mì, kɛ́lɛ, mɛni kélee bɔri káa Ɣâla mì.”

Dífa ŋɔnɔ kɛ̀ a kpono feerɛ, kɛ́lɛ, díkaa a kpono tɔnɔ. Mɛni ma, sɛŋ Ɣâla a bú gîe mai, núu fé gula gîe ma.”

Nya ƃe è díwoo su tòo, ǹyɛɛi, “Káfe ǹono ní a gɛɛ Zɛŋ-kélee kpɛtɛ-Ɣalai è núu kpɛ̀tɛ a surɔ̂ŋ da nɛnî é siɣe ŋ̀éniɛi kɔ́ɔ pîlanii ma. Nya ƃe è mò, ǹyɛɛi, ‘Nyiŋi mɛni ma surɔ̂ŋ a pâi ǹâŋ lɛɛ̂i da ǹee é kánaŋ ŋɔnɛnîi ma, dífeerɛŋɔɔ da pâi kɛ̂i a kpono tɔnɔ.’

Nya ƃe Zîsɛ è mò, ǹyɛɛi, “Ka ǹîa-pɛlɛɛi lɛ́ɛ naa, káfe díkpera a gɛɛ dí pa ḿbɔ. Núu kɛ̂ɛ-ŋai ŋí ƃe Ŋ̀âla-taa kâloŋ-laai káa dímɛni ma.”

Kɛ́lɛ, núu támaa, nyii-ŋai díkaa a ǹûai maa-ŋuŋ-ŋai, da pâi kɛ̂i a gbɛɛ ŋá, diai díkaa a gbɛɛ ŋái dí kɛ́ a maa-ŋuŋ.

Ǹyaŋ ǹúui kélee a ŋɔpɛ́rɛi lɛ̀ɛ, ǹêɣe-sinaa da ǹîa-sinaa, kpaa máŋ zaaƃɔlɔ-ni, kpaa máŋ ǹâŋ da ǹee, ŋɔnîa-pɛlɛɛi, kpaa máŋ ŋɔlɔii, ńaai mɛni mai, a pâi dámaa sɔlɔ ƃôi é tɛ́ɛ nyíti ma. A pâi ŋɔ́nɔ wɔlɔ-wɔlɔ fulu-laai sɔlɔ ƃôi.

Zîsɛ è mò, ǹyɛɛi, “À kɛ̀ ya ŋ̀wɛ̂lii ílaa é fɛ̂ɛ a wɛli-kɛ-maa, lí í íkɔ̃liŋ kɔlɛ í zɔ̃ɔ tɛ́ɛ gôlo-ƃelai pɔ. Íkɔ̃liŋ a pâi kɛ̂i Ɣâla-taa. A kɛ̀ tí, pá í lɛ́ɛ bôlu.”

Nya ƃe Zîsɛ è mò ma, ǹyɛɛi, “Íkaa ḿarê kɛ̂i mɛni lɛ́lɛɛ mɛni ma le-mɛni ma? Ɣâla nɔ́ ƃe ǹɛ́lɛɛ̂i. Kɛ́lɛ, à kɛ̀ ya ŋ̀wɛ̂lii í wɔ́lɔ-wɔlɔ fulu-laa sɔlɔ ƃô, gɛ̀ ní dɔ̂ŋ-ŋai mɛi káa.”

Ŋá m̀ôi ŋɔ́nɔ kâa, a gɛɛ nàa fii-kpɛɛi a gɛɛ soo-fáleŋ é lɔ́ saɣílaŋ wôloi é tɛ́ɛ tɔɔ-nuu liɛɛ Ɣâla ŋɔkâloŋ-laai su ma.”

Kɛ́lɛ, ŋá m̀ôi kâa, ǹúui a ŋɔnɛnîi lɛ̀ɛ mɛni da kpɛ́ni mâ é kúla wulu-wulu kɛ̂ɛ pôlu m̀ai, é nɛnî da kpɛni kúlai, maa-nuui tí káa a wulu-wulu kɛ-nuu. Ǹyaŋ ǹúui kélee a nɛnî kùla nyii ŋɔsurɔ̂ŋ a wɔlɔ ǹɛɛi, maa-nuui tí a wulu-wulu kɛ́.”

Nya ƃe Zîsɛ è mò ŋɔpôlu-ƃelai dîa, ǹyɛɛi, “Ŋa tɔ̃yâ ƃoi kâa, gbanaŋɔɔ̂i a gɛɛ tɔɔ-nuu é lí Ŋ̀âla-taa kâloŋ-laai su.