Popular Bible Verses from Maafîu 16

Share

Nya ƃe Zîsɛ è mò ŋɔpôlu-ƃelai dîa, ǹyɛɛi, “À kɛ̀ núu da a ŋ̀wɛ̂lii é lɛ́ɛ ḿbôlu, tɔɔ é gíli kula gbîŋ kponôi é ŋɔsaa-wuruii síɣe é lɛ́ɛ ḿbôlu.

Ŋá ŋɔnɔ m̀ó yâ a gɛɛ íkaa a Pitɛ. Ŋa pâi ŋátoli-kpɔŋ tɔɔ̂i gɔnii ŋí ŋá. Ǹyaŋ Dɛ̂ƃele ŋɔwala-walai fé pâi ǹyée m̀ɛi ɣálêi.

Ŋa pâi Ŋ̀âla-taa kâloŋ-laai ŋɔkîi-ŋai tɛɛ̂i ípɔ. Sɛŋ kélee ya ŋìri ŋ̀éniɛi ŋí sui, a pâi kɛ̂i a ŋiriɛɛ Ɣâla-taa. Sɛŋ kélee ya vùloŋ ŋ̀éniɛi ŋí sui, a pâi kɛ̂i a vúloŋɔɔ Ɣâla-taa.”

Kpɛ́ni fêi, ǹúui nyii ŋ̀wɛli é ŋɔfúlu-laai lâai kɛ̂i, a pâi ǹánîi. Kɛ́lɛ, ǹúui a ŋɔfúlu-laai làŋ ḿaa-mɛni mai, a pâi gáâi.

Le ƃe núu a pâi zɔlɔ ƃôi a kɛ̀ a ŋɔfúlu-laai làŋ a gɛɛ é ŋ̀éniɛi kélee kɛ́ a bɔ́ɔ? Kpaa máŋ le ƃe núu a pɔ̂ri dɛɛ̂i a gɛɛ é ŋɔfúlu-laai sɔlɔ ƃô pôlu?

E mò dîa, ǹyɛɛi, “Kɛ́lɛ, ka mò kâa, gbɛ̂ɛ ƃa ńyãa?” Samaŋ Pitɛ è ŋ̀óo su tòo, ǹyɛɛi, “Íkaa a Kôrai, nyii gáa a Vulu-laa-ɣalai Ǹóŋ.”

Nya ƃe Zîsɛ è ŋ̀óo zu tòo, ǹyɛɛ mai, “Lûwa káa yâ Zôna ǹóŋ Samaŋ! Kpɛ́ni fêi, núu-kpune fé m̀ɛnii ŋí lɛ ni yâ, kɛ́lɛ, Ŋáɣâla-taa Naŋ ƃe ǹɛ yâ.