Popular Bible Verses from Zia-ƃelai Kɛ́-mɛni-ŋai 4

Share

Ǹyaŋ ƃálo-laa fa kûla núu da kpɛni yêei, kpɛ́ni fêi, láa da kpɛ́ni kélee fé naa ǹɔii ma ƃɛ́ nyíi dɛɛ̂i nuu-kpune láa mâ nyii núu a pɔ̂ri ƃálo-laa sɔlɔ ƃo zui.”

Ɣâla fɛ́liɛɛ dîɛi, ƃɛ́i dí kɛ̀ a díŋaa tɛ́ɛ naa gîe mai naa è tùmo díkelee kpɔ́ dílaa è fɛ́ɛ a M̀ɔlêŋ Maa Waai dí Ɣâla ŋɔwóoi ƃó a lii-kpele pere.

Kúnuu-namui, dímaa yaoi káa nâa, í wála-wâla tɛɛ íyee mu-ƃelai pɔ́ a gɛ́ɛ dí íwooi ƃó kpɔ́ a lii-kpele pere.

Zîsɛ ŋí káa a gɔnii nyíi káai a bɛ́rɛ tɔɔ-ƃelai ká káŋɛi nàɣiŋ mɛi. Ǹyaa ká a kɛ́ a bɛ́rɛi sonôŋ su-kɔnii gbîŋ-kpiŋ.

Ǹúu Pɔlɔ-ŋai kɛ́ɛ da gáa a gɛ́ɛ berei máŋ Pitɛ da Zɔ̂ŋ dífe kɛ́ ní a kɔlɔ kɔlɔŋɔɔ lai, díkɛ̀ lônoi a líi-kpele perei, dílaa è kpala dîa. Dí nâa gɔ́lɔŋ a gɛ́ɛ dí kɛ̀ a Zîsɛ pôlu-ƃelai da.

Nàa-laa-ƃelai dí kɛ̀ zu tɔnɔ da dímɔ̃leŋ. Núu tɔnɔ da kpîŋ fé m̀ó ní a gɛ́ɛ zãâi kɛ̀ ǹyêei, bɔ́ɔ è kɛ̀ a da, kɛ́lɛ, díkɔ̃liŋ kélee è kɛ̀ a díkîe-ni pɔ́ɔ.