Popular Bible Verses from PROVERBIOS 15

Share

Comascoc sat aplom enlhit, aplinga inlhojo ninlhanma actamila nimpayvam. Coyangvomoc sat aplom enlhit, aplinga inlhojo nintemaclha ningvennéycam.

Ongilyasingvomoc sat actemaclha ningyascamco, acyitna inlhojo ningayo Dios. Colhic sat singaco, acyitna inlhojo conjamalhca ingilvalhoc.

Ningilyataycam actamila colhojoc sat ningyimnatescama apnenyaoc ingnaymacoc. Ningilyataycam acmasom colhojoc sat ningiltovascama apquilvalhoc ingnaymacoc.

Ongvitac sat asoc aclhanmaclha ingvalhoc, acyitna inlhojo ningilpamejitsomalhca. Mepqui ningilpamejitsomalhca, mongvityejec sat asoc aclhanma ingvalhoc.

Actamila ningaat ayinyema acpayjayclha ingilvalhoc. Inlhinganacmec mataa ningaat, acyitna inlhojo acmayovsa ingvalhoc.

Apvanquic jingvitac mataa Dios, ningiltamila nincoo najan ningilmasomcaa.

Intasic mataa nintiyascam mepqui asoc naysicsa ningayo Dios, am colhno ayay ingvalhoc naysicsa cascama ningilnatam.

Ningilnapomalhca ayinyema aclom ingilvalhoc. Ningmascocscama ningilnapomalhca ayinyema actamilaycam ingvalhoc.

Nintamilcasoc mataa ningilpamejitsomalhca, acyitna inlhojo acpeyvomo ingvalhoc. Ninlhamasoc (Ninlhamaseclhec) mataa acmasom nimpayvam, acyitna inlhojo ingvalhoc acmasom.