Popular Bible Verses from Rom 14

Share

Qenu wonou bibis end igamau eng ya qiyo mani niau end ue. Qenu wonou bibis end igamau eng qomon qoregen ne qibanamsi mismisir igamau eng. Igomurur qau wonou ba dibes igo. Munon ger munon inubersiau tari eng wonou sarau munon igoriba eng Qenu wonou qomon eng qenunga munangit gor uber gubour.

In see igom igoun eng ininou ai qorut me igoun, ne umb igoun eng gor ininou ai qorut igo me umb igoun. Umb gab eng Munon Barai wonou. End ne umb qiyo igom igo gab eng in Munon Aib wonou gari.

End ne in mom qibanamsi igamau eng mom qenen wotibig igorun. Eng ininou munon banam oau apand eng nonogursi igo.

End ne ininou munon banam qomon qereimau qomon eng seet qas wogun. Ete misir igub: ininou munon banam sumungasiune oau uburab isub qomon boru abar eng boru, ende igun.

End Qenu qob ete qura: Munon Aib ete qamarei: ye igom igimine munon gugum ye menmant gamaur wat bugombour. Bugab Qenut Qenu apand qomorubour. In gugum ende at ne ininou gari-gari qomon wes-wes eng Qenut dibes qomoruboun.

An ende igo ne munon qei oau apand end misir qebebi igub igour eng an wurinonogursi ne wurimorimar. An ende wurisiorub qamb eng an der wurinob agunub ende me abar.

Eng ete: ne munon barai wonou sarau munon ger sarau borusi bea gab mai ne munon ar is qamat qemeriban? Ue, sarau munon eng wonou munon barai eng sir is wonou qomon qereimba.