Popular Bible Verses from 1 Pita 4

Share

Munon banam qiqenungau eng mom qeretutnob ebet igoarar. Qibanamsiau qomon end qomon boru-boru qei gumutumai ne qomon qei wuritanami igo.

An gari-gari Qenu mi banamsi qo andarerei. Mi eng ar andarer eng an bo taui qamb munon banam wurimusiarar. An ende at igo ne qomon uber eng anit yab di qoa ne Qenu wonou qomon uber eng imbig igoruboumon.

Ende ebet ne munon ger qob qanam dibes qamb gab eng, Qenu qob eng qas qemeriner. Ne munon ger wonou munon banam musub gab eng Qenut igub ebeiner. Ende aba ne munon qei wonou qomon uber eng gab ne Munon inubersiau tari Yisas gab-gab Qenu unum ba dibes igorunor. Wo munon barai tari qeretutnob qen e qen e igoriba. Apand.

Ego munon Yisas wonou yurau igama ne end mirinet waramari gab eng me qinininginer. Yisas yurau igo end Qenu unum bereriminer.

Mi gugum uburibar eng qen pi burab igo. End an musub mom imbig aninomi qerei igo qenen Qenut qebi qamb igoarar.

Io, mi ger anwarigesieriner eng mut anora uyeriri aningara igoumon gas ende ebeiba. Ende aba igub mi bubun qamb misir qebebi me igub yari abar. Ue, mi eng ende anwarigesieriner eng munon inubersiau tari mi warigesier eng gas ende gab ne mismisirar. Ende ebet ne mi eng anwaga ne Munon Aib unum dibenara gab ne an borusi mismisir ne oau pomaimot igoruboumon.

Munon banam qei qunan yarari ibag musub oromar igoarar. Igo ne bo qi mindigar qob me wurit qamarar.

End ne munon qei Qenu wonou qomon eng toat qib igamari igaramari gab eng bo me wogunor. Wurinou misir eng mom Qenu baab ten ete igorunor. Wonou inbarsier end qenen mom musub inimbag ten igo, wonou mi uber munon ger wot iyeter eng bais me weginerei.

Munon inubersiau tari wonou gitgoan uter war gas ende an gor qomon eng gari abar. Eng ete: Munon ger wonou gitgoan uter weriner end misir me iginer eng qomon boru eng mom wot uburiba. End ne see wo gitgoan ten igo eng munon qei ebet igour gas ende ebet mi gab oau naget qiyo mi eng gagar me ebet igo eng, wo Qenu mom toat igo.

An Munon inubersiau tari eng unumot qib igamari animbag anmerimotar abari ibag an mismisir igoarar. Qenu wonou Igomurur qau qeretutnob eng aninob igo end.