Popular Bible Verses from Matiu 17

Share

Yesus unna, yimba keknamba pevna undnahonamba Sesoamba lovahmanavmoa, tanam himba si wohengvapiangavav no tihsongova no tuendisrinina nihmeriniva. Yimba Sesoamba pevna undnahonamba lovahthamnavrava, wo yimba mendekliandrava vivra, wo plel vevavmoa. Eva eskandva yimba Sesoamba lovahalmba vinivra, oi, sahaikw, sna indna, yimba olomba mendeklimba os umnivav, yeoa huioa wuleiho, dom gao, di loho, wo olomba os wohvevav.

Pitava mendah ishovna, wo henanam teko hena novpa sowaivmanavna, wo os wohmera vena, wo himba moam hillivna, no tekomerini phovna, hem ishunvna, memba kana ombolnonoa, kava mindnam und wohvev, yeoa yunalm helluvmona venavm hena moamoa.

Doa Yesus unna muskonam no indhanam, ten kusovnam, yimba hona indhanamba keknamba Sesoamba lovahthamnavmoa, osmba si himba yemba kolvrowol vevra. Yimba indhanakokla, wo kana aonghal mahalnindva lihvna, wo heva os owai. Kamba doara gimus vovhoana. Hom waiambo no tuendisrinim kaindam. Hev waiambe Yesusindam, wo Yesus dandwonam omnana nom tihsongom, di nihmera amnavnam, omnana, wuleihalahangao, wo no tihsongova os no tuendisrinimba pewolehalahangana, wo no tuendisrinimba os wohkanandhana nungi lelnam.