Popular Bible Verses from Hipru 1

Share

Wo ombolva pusamba vethana woklamsna Sesoanamba, wo pim lavhoaluhunv. Himba aimund ambo snal, Sesoa hev ten avm. Manimani memba Sesoava vewol venamba, ombolva kekaiv ilohv mongawatilm hevna keknasowolmona. Ombol kilumbshuawol vevna pimba sahaposwonindmba, wuvolmba almba. Wo doa himba av Sesoana nihanasis, mendekli king kuwulinda senakembellini.

Nemetva humeinmba doarava Sesoava moamba ishunvna pina tomonalmba hevna moashulnindnashara. Himba elsus lotho iavna, os vinvnamba, os vinvnamba, indakonda wevsana. Wo daipotava hona nambainam, pivva nengviluwulv, ovimba pethaimba imharavhowolvav, Sesoava doa ishunv pimba hevna ombolnashara. Aralva ombolnana vena pethamba, wo doa himba osoa hevna ombolmba wohkihpiana, manam manam honam vaohotholm.

Heva os ovsongolnindva ivtovolva, himba andra viniv Sesoam, wo hev hemba wolawollohv, nom kolvrowolalm, hem nom he si henga lopshavavm.

Wo Sesoa vena, os omnana hevna ombolmba, Mendekli, manimani suvevnamba, nemetva ye vena pethamba. Wo ye vena englana ovmba. Wo hemba si mueisowa vewolvav, heva os yimba si wohavav yunalm. Hemba si malokolol samblamsna lelao vewolvav.