Popular Bible Verses from 1 Pita 2

Share

Heva os yemba doa kikih vewol vena, wo yimba hevtindilm av. Himba yena king kuwulalm einv, wo yimba hena sembayang andranindilmsna amnav. Yimba besal indhanangas wohav. Yimba hona indhanamba av Sesoanangas. Sesoava yemba kikih vewol vena, osm yimba hevna moamba besal si wulvahmana vinivav, nom manimani besal hevm, hev ten venam. Manara, himba yemba velarombol vena sikulmerini, hevna pusambanakambaram alm.

Kristusmba dahana krusera, wo hevna nihsesoana himba pimba kilumb shuawol vena pivna indkoklariniva. Himba honamba memba osm vena, pioa doa wuleihalohra, Sesoam indkokla vrelmoa, dendal alohra. Osm lehna, himba pimba sishona vewol vinna hevna wosavana. Yimba sipsipmsna avna, snal ten bukithangavm monakoklam. Wo heva os daipotava yimba doa prapiana Kristusindam, wo hev atelalm luhunv yem, wo kekalvho vewol vinv yemba.

Doarava yimba avnamoa Sesoatindilmba. Wo heva os daipotava yimba doa av hetindilm. Doarava owai, Sesoava yemba wavra vovhueinnamoa, mendah. Heva os daipotava himba doa yemba wavrava vovhueinna.

Os mendahal otol ten tetm vevm, yeoa os ningvm Sesoana moam, mana vemava sahoklalva kethalohvmoa noindava. Honanangas yimba phovrava, wohavav yunalmba.

Kana seh, yimba Sesoatindi av, wo noinda hona pethanindna novrava, yimba snal av, oi sehpuina ehalmini, wo yimba ambo av ahalakohol indhanamsna hona petharava. Wo noinda osva kava yemba ishunv, ehalla vivm, mana vemakoklanapenamoa, nomba nihva pevnamba temba muemb nevrava, velmba. Honamba ata daos uhunvra yena undmongova. Wo yenamba undnahonamba almba si vikoko vilunvav. Indhanamba nomba temba undnahonamba amba owai vivpa, wo eungu vinvpa mumrava yeindava. Himba yemba si os unvra, yimba sahonam viv. Aembu, beswonam avm. Wo himba si nunglivra besalva manimani, yimba vivrava, wo himba yunam si okulivav Sesoamba, nonamba himba hengava si provrava, lesvhowolalmba.

Wo eva yimba snalta hon, ten undna avm. Wo yimba Kristusmba lipethamnavrava, osrava Sesoava yemba hevna deuvmsnamba moakot velm vev. Hev si vevav hevsongolnapopol, wo noinda yimba si avav sembayang andranindilmsna hevelm. Wo yimba osva si pevmba wohwerombroh vivra Sesoamba, os ten nemet innena tatana suwera singminivnam. Yimba honamba vivra Yesus Kristusnapopol, wo Sesoava si indlothovra.

Wo noinda osva wohkelvapingivm manam manam sahoklalmoa, eva moakokomomoa. Manam yimba anilhamana vevra, osva ovra, kava indhana windel, owai. Manam yimba nengavnangkoklava pevna mongawa Kristusnindmba vinvra, hemba moakoklanamba eishunvra. Honamoa wohpinganga vivm pevnaminioa.

Mendekliva Yesusva honmsna av, sna hon, ten deuvandranind huhul vewol vivm, nonam deuvm velm. Wo heva os indhanamba annind annind pethanindva indkumbiva ningminivmoa hona honmba. Wo heva os himba honmba, noi Sesoa doara hev ten kikih vrenam, hevna deuvm velm. Sesoamba wohkanandhana heindava mindnam. Wo noinda yeoa osoa hemoa wohlipethamno, manara, himba undna av.

Yimba indhanana lohohmosingiva avmoa. Wo heva os beswonamba almba pevnamba, manam yimba novtotholmba dasalmba vivra, nonamba sahonamba velmba. Ao osalm, ora andranind Sesoana.

Wo noinda osva, yimba temba nonamba beswonamba viwul vevpa, nona yimba ollawol vilangavav indhanam nom nengavnangkoklanam, osnapenam, ata homeis yem eishunvm plalhuimom. Men honam Sesoava keknamba mindnamba nengv.