Popular Bible Verses from 1 Korin 6

Share

Doa honamoa ahalao, osmoa yenamba nihva Sesoasongolna deuv. Sesoasongolva yena nihmera eungu vinv. Yemba doa wohlundthoana Sesoasongolna, noinda yimba pevna kuwulva lohvmoa, Sesoa yena kuwulva wulluhv. Yimba doa maivithinama? Yemba doa muehrombol vena Sesoava hevelm. Wo noinda osva okuluwuvm Sesoamoa pevna nihnahonam.

Honamba yimba pev nonora av, osva indhanamba nomba sahonamba avrava, si saivvavmoa Sesoana nemeltindilmba. Wo es hevpa yimba ambo tanam wohtit vivma honamba? Hona indhanamba si saivvavmoa Sesoana nemeltindilmba, nomba temba himba ongariskuiva vivpa, tihsongomba okolawol vivpa sembayangnamba, tendomba owalmongova hevmba alahanda vevpa, yukov vivpa, hevmangas duus vewolalmba, daipva nelmba, moangakalamoa owalmba eishunv, viliengalwul vev.

Wo noinda osva owai, ehalla viu ongariskuinapenamoa. Mana vema indkoklava temba ambo ambara yimba viwul vevra, merava pevna nihnahonamba owai. Heva os mongova indkoklava vevrava, ongariskuimba velmba, hevna nihmba indkokla vrevra, temba Sesoasongolva hena nihmerava avpa.

Monglava os uvna, manapenam, manimani viwul vevra, heva os kava os ov, manimani kaindava sihavmoa, velmba. Himba os uv, manapenam, viwul vevra, heva os owai, kava vevavmoa, si homeis kamba weihaloh vrevm hevna andranindrinielm ambo ombam.

Sesoava hevnasowana doa dehphona mendeklimba pokamariniva, wo eva pimba si os deuhtvrata, noinda pinamba nihilva mendeklina.