Popular Bible Verses from Bangandiroo 11

Share

Almalayka iyyantoo na laati beeroo kar, jinde beeriyaŋ šelaŋ beenaa ra ka nee: «Aduɲɲa kokoytaraa tee ir Koyoo nda nga Almasihu wane. A ga laama abada hala abada.»

Gandawey futu, amma ni futuyanoo waatoo ka too. Bukawey waatoo too kaŋ ra i ga ciitandi. Waatoo too kaŋ ra nʼga ni tam annabey, nda ni boro henanantey, nda borey kaŋ ga hunbur ni maaɲoo, ikaccey nda ibeerey noo ngi alhakoo. Borey kaŋ ga laboo halaci halaciyanoo alwaatoo too.

Ay gʼay seede hinkaa noo hini i ma annabitaray tee, i ga bankaaray nda saaku kasa daŋ ngi ga ka annabitaray tee jirbi zenber foo nda zangu hinka nda woydu (1.260).»

Amma zaari hinzaa nda jeraa banda ga, hundi hunante kaŋ hun Irkoy do huru i ra, i tun ka kay cewey ga. Hunburay beeri kaa borey ga kaŋ ga dii ey.

I duu hini ka beenaa daabu ncirɲi masi kaŋ jirbey kaŋ i ga annabitaray tee. I duu hini mo ka harey barmay i ma tee kuri. I duu hini ka laboo kar nda bone dumi kul waati kul kaŋ i baa.

Seede hinkaa woo manʼti kala zaytuɲaa hinkaa nda fitilla gorodoo hinkaa kaŋ ga kay laboo Koyoo jine. Boro kaŋ nee nga ga ifutu tee i se, nuune ga fatta miɲey ra kaŋ ga ngi iberey halaci. Boro kaŋ nee nga ga ifutu tee i se, a tilasu nuunaa din ma koyoo wii.