Popular Bible Verses from Yaasawey 2

Share

Zama Abadantaa no ma lakkal noo, nga miɲoo ra bayray nda fahamay ga hun.

Ay izʼaroo, nda nʼnʼay šenney dii, nda nʼnʼay yaamarey dii, nda nʼna haŋa kayandi lakkal šenney se, nda nʼna ni binoo hangandi fahamay bande, nda cimi, nda nʼna lakkal cee, nda nʼna ni jindoo jer fahamay se, nda nʼgʼa ceeci sanda nzorfu kaaray, nda nʼgʼa ceeci sanda alman, woo ra nʼga faham haya kaŋ ti Abadantaa hunburaa, nʼga duu Irkoy bayraa.

A ga koyjineyan jisi boro šerrantey se, koray no borey se kaŋ ga dira laadirtaray ra, ka fondo hennawey hawgay, ka nga ganakey lakkal.

Zama boro šerrantey ga goro gandaa ra, boro laadirantey ga cindi a ra, amma boro laaley ga hun gandaa ra, zanbantey ga dogandi ka hun a ra.

ka ni hallasi woy waani ra, ka ni kaa woy kaŋ nʼsʼa bay ra, kaŋ ga šenni kaanay. Woy no kaŋ ga nga soogataray cere kaanaa fur, kaŋ ga dirɲa amaanaa kaŋ goo nga nda nga Koyoo game.