Popular Bible Verses from Filipi borey batagaa 2

Share

War masi haya kul tee nda alhaasiditaray, wala nda foomataray, amma boŋ-yeeti-gandayan ma kate war affoo kul ma nga ceroo guna sanda boro kaŋ bisa nga. War masi war boŋ guna, amma boro foo kul ma borey jerey [mo] guna.

Wa honguyanoo woo dii war game kaŋ goo Almasihu Isa mo se

nga kaŋ nga nda Irkoy ga hima, a mana ceeci nga ma sawa nda Irkoy nda gaabi. Amma a nka nga boŋ tee yaada ka hima nda tam, ka nga boŋ himandi adamize, a garandi mo kaŋ adamize no. A na nga boŋ yeeti ganda ka haŋajer hala buuyanoo ga, kanjandibundoo buuyanoo.

zama Irkoy no ma goy war ra ka war noo anniyaa nda takaa kaŋ nda war mʼa tee nda woo kaŋ ga kan a se.

Woo maaganda se Irkoy hanse kʼa jer kʼa noo maa kaŋ bisa maaɲey kul, hala beenaa hayey, nda laboo boŋ hayey, nda laboo cire hayey kul ma kanje sonbu Isa maaɲoo se. De mo deene kul ma nee kaaray kaŋ nga Koyoo ti Isa Almasihu ka Baabaa Irkoy beerandi.

Haya kul kaŋ war gʼa tee wʼa tee bila ŋuunuŋuunu bila kakaw. War ma duu ka tee boroyaŋ kaŋ ga taali sii, boroyaŋ kaŋ ga henan, Irkoy izeyaŋ kaŋ ga laybu sii zamankasine golbante ra kaŋ ga Irkoy hoo kaŋ gamey ra war ga tee sanda gaayyaŋ kaŋ ga dii aduɲɲa ra

Adiši, ay baakey, war kaŋ hanga fondaa waati kul, manʼti waati kaŋ ay goo war game hinne, amma sohõ kaŋ ay sii war game war ma hanse ka hanga a ka tonton. Wa war hallasiroo goyoo tee nda hunburay nda jijiriyan