Popular Bible Verses from Piyer bataga 1na 1

Share

Albarka ma bara Irkoy se kaŋ ti ir Koyoo Isa Almasihu Koyoo nda nga Baabaa. Nga tamalla beeroo ra a nʼir hayandi taaga naata hunante se Isa Almasihu kaŋ tun bukawey ra albarkaa ra. A na tubu jisi war se beenaa ra kaŋ si hin ka funbu, a si žiibi, a si hasara.

Woo se war ga war ɲaaloo cebe ba nda a tilasu war biney ma maray waati kayna nda siiyan dumi-dumiyaŋ, hala war naanaa kaŋ ga siyandi ma duu saabuyan, nda darža, nda beeray Isa Almasihu bangayroo ga. War naanaa bisa wura kaŋ ga dere kaŋ a ga siyandi nuune ra.

Takaa kaŋ nda boraa kaŋ na war cee ga henan, war mo ma henan war dira takaa kul ra. Zama a hantumandi Citaaboo ra ka nee: «Wa henan, zama ay ga henan.»

Boonay futawey kaŋ cindi war ra waatoo kaŋ ra war si haya bay, war masi hanga i bande. Wa tee sanda zankayaŋ kaŋ ga haŋajer.

Woo maaganda se war ma war lakkaley kanandi ka dii. War ma hin war boŋ, war ma war naataa kul daŋ anneemaa ra kaŋ war ga duu a Isa Almasihu bangayroo ga.

zama Citaaboo nee: «Hundikoyni kul manʼti kala sanda subu, nga daržaa kul si hima nda kala suboo kutukuryaa. Suboo kogu, de kutukuryaa kaŋ, amma ir Koyoo šennoo ga duumi hala abada.» Šennoo woo manʼti kala woo kaŋ Alhabar Boryaa nʼa har war se.