Popular Bible Verses from Korent borey bataga 1na 13

Share

Baji ga suuri, a ga boori, a si canse, [baji] si bolsay, a si fooma, a si goy meera tee, a si nga boŋ nafaa ceeci, a si dukur, a si dori dii

Baji ga hinžee haya kul ra, a ga naanay haya kul, a ga haya kul naata, a ga haya kul muɲe.

a si ɲaali nda šerretaray jaŋay, a ga ɲaali nda cimi.

Haya hinzaa kaŋ ga cindi ne: naanay, nda naata, nda baji, amma hayey wey kul ibeeroo manʼti kala baji.

Baji si ben abada. Annabitaray ga kaa ka ben, šenney ga kaa ka naŋandi, bayray ga kaa ka ben.

Ba nda ay ga šenney šelaŋ kaŋ borey gʼi šelaŋ hala ka šenney šelaŋ kaŋ almalaykey gʼi šelaŋ, amma nda ay si baa boro, ay ga hima nda guuru kaŋ ga kara-kara de, wala haya kaŋ ga dunduŋ de.

Koyne mo nda ay duu annabitaray, de ay ga sirrey kul bay, de ay duu bayraa kul, de mo nda ay duu naanay beeri kaŋ ga kate ya hin ka tondi honduyaŋ ganandi, amma nda a gar ay si baa boro, ay manʼti baffoo.

Ba nda ay gʼay almanoo kul zamna heraykoyney se, de ay gʼay kunturoo noo i mʼa ton, amma nda a gar ay si baa boro, a si haya kul hanse ya ne.

Waatoo kaŋ ay ga tee zanka kaccu, ay ga šelaŋ sanda zanka kaccu, ay ga miile sanda zanka kaccu, ay ga hongu sanda zanka kaccu. Waatoo kaŋ ay tee aru, ay benandi nda zankakaccutaray hayey.