Popular Bible Verses from 1 Berɛsosɛm 16

Share

Mompɛ AWURADE ne ne tumi akyiri kwan, monhwehwɛ n’anim daa daa.

Monna AWURADE ase, na ɔyɛ, na n’adɔeɛ wɔ hɔ daa.

O monna AWURADE ase, mommɔ ne din, momma wɔnhunu ne nneyɛɛ aman mu.

Momfa ne din kronkron nhyehye mo ho, ma wɔn a wɔhwehwɛ AWURADE akoma ntɔ wɔn yam.

Monkae n’anwanwadeɛ a wayɛ, n’ahodwirideɛ ne n’anomu atemmusɛm.

Monto no dwom, monto no ayeyie dwom, monka n’anwanwadeɛ nyinaa.

Na AWURADE yɛ ɔkɛseɛ na ɔsɛ ayeyie sɛ, na ne ho yɛ hu anyame nyinaa mu.

Momfa AWURADE din no animuonyam mma no, monsoa ayɛyɛdeɛ mmra n’anim. Monsɔre AWURADE wɔ ahokeka kronkron mu.

Anidie ne animuonyam wɔ n’anim, tumi ne anika wɔ ne tenabea.

Monto AWURADE dwom, asase nyinaa so! Mompae ne nkwagyeɛ mfiri da nkɔ da mu.

Monka n’animuonyam wiase aman mu, ne n’anwanwadeɛ aman nyinaa mu.

Sɛ monnka wɔn a wɔasra wɔn no, na monnyɛ m’adiyifoɔ bɔne biara.

Na amanaman anyame nyinaa yɛ abosonhuhuo, na AWURADE deɛ, ɔno na ɔyɛɛ ɔsoro.

Wɔnkae n’apam no nkɔsi daa, asɛm a ɔhyɛɛ awoɔ ntoatoasoɔ apem no

Wɔmma ɔsoro ani nnye, na asase ho nsane no; wɔnka no amanaman mu sɛ: AWURADE adi hene.

Nhyira nka AWURADE, Israel Nyankopɔn, firi daa kɔsi daa. Na ɔman no nyinaa gyee so sɛ Amen, de yii AWURADE ayɛ.

Aman mmusuakuo, momma AWURADE, momma AWURADE animuonyam ne tumi.