Popular Bible Verses from रोमी 12

Share

आवंनिसें थ्‍व संसारयापिं मनूतय्‌सं याना जू थें छिमिसं याना जुइ मते, बरु मनयात हीकाः न्‍हूपिं मनूत जुयाच्‍वँ। थुकथं याना जूसा परमेश्‍वरयागु इच्‍छा छु खः, अले भिंगु, वय्‌कःयात यःगु, व छु खँ ठीक जू छिमिसं बांलाक सीके थुइके फइ।

यःपिं दाजुकिजापिं, थथे परमेश्‍वरयागु दया मायां यानाः वय्‌कःयात यय्‌क, पवित्र जुइक, छिमिगु जीवन वय्‌कःयात बलिकथं देछाया ब्‍यु। थथे यायेगु हे दुनुगलंनिसें सेवा यायेगु खः।

छिमिके तःधंगु आशा दुगुलिं लय्‌ताया च्‍वँ। दुःखकष्‍ट जूसां सहयाना च्‍वँ। प्रार्थना यायेगु गुबलें त्‍वःते मते।

मभिंगुलिं छिमित त्‍याके बी मते, बरु छिमिसं भिंगु यानाः मभिंगुयात त्‍याके फय्‌कि।

छिपिं विश्‍वासी दाजुकिजापिं थःथवय् दुनुगलंनिसें माया याना च्‍वँ। थःथवय् हनाबना तया च्‍वँ।

दुनुगलंनिसें छिमिसं धात्‍थेंगु माया या। मभिंगु फुक्‍कं त्‍वःताछ्व। छु छु भिंगु खः व हे जक क्‍वात्तुक ज्‍वनाति।

फुक्‍क मनूत नाप फयां फतलय् मिलय् जुयाच्‍वनेगु कुतः या।

यःपिं दाजुकिजापिं, छिपिं थःपिन्‍सं हे पलेसा कायेगु स्‍वये मते, बरु परमेश्‍वरया तच्‍वःगु तंमय्‌ त्‍वःताब्‍यु। छाय्‌धाःसा धर्मशास्‍त्रय् च्‍वयातःगु दु, “बदला कायेगु जिगु ज्‍या खः, जिं इमित सजाँय बी” परमप्रभुं धयादी।

यायेमाःगु ज्‍याय् अल्‍छी चाये मते। दुनुगलंनिसें जोश दय्‌काः प्रभुयात सेवा याना च्‍वँ।

परमेश्‍वरं जितः दया माया यानादीगुलिं छिपिं फुक्‍कसिनं थःत तःधंम्‍ह धकाः मतिइ तया जुइ मते धकाः जिं छिमित बिन्‍ति यानाच्‍वना। परमेश्‍वरं छिमित बियादीगु विश्‍वास गपाय्‌धंगु खः उलि हे जक बांलाक बिचाः या।

मभिंगुया पलेसा मभिंगु हे याये मते, बरु फुक्‍क मनूतय्‌त यइपुसे च्‍वंगु व भिंगु जक याना जु।

छिपिं फुक्‍कं मिलय् चले जुयाः च्‍वनेगु या। तःधंछु जुइ मते, थःत जक यःथें याना जुइ मते, बरु चिधंपिं नाप बुला जुइगु बानी त्‍वःते मते। गुबलें घमण्‍डी जुइ मते।

धर्मशास्‍त्रय् च्‍वया तः थें याना च्‍वँ – “थः शत्रु द्यांलाःसा वयात नयेगु ब्‍यु, अले पित्‍याःसा वयात त्‍वने ब्‍यु। थथे यात धाःसा मछालाः वयागु ख्‍वाः ह्याउँसे च्‍वनी।”

छिमित सास्‍ती ब्‍यूपिन्‍त सुवाः ब्‍यु, इमित सराः बी मते। लय्‌ताय्‌त च्‍वंपिं नाप छिपिं नं लय्‌ता। अले ख्‍वया च्‍वंपिं नाप छिपिं नं ख्‍व।

मगाःमचाःपिं दाजुकिजापिन्‍त ग्‍वाहालि या। छेँय् पाहां वःपिन्‍त दुनुगलंनिसें सेवा यायेगु या।

छाय्‌धाःसा मनूया म्‍ह छगू जूसां उकी यक्‍व म्‍हब्‍व दु। अले फुक्‍क म्‍हब्‍वतय्‌गु ज्‍या छगू हे जुइ मखु। थथे हे झीपिं नं यक्‍व दसां ख्रीष्‍टयागु म्‍हय् ला छम्‍ह हे जक खः। अले थीथी म्‍हब्‍वत छगू छगू यानाः मिलय् यानातःपिं खः।