Popular Bible Verses from लेवी 26

Share

जि छिपिंनापं हे च्‍वनाच्‍वने, अले छिमि परमेश्‍वर जुयाच्‍वने, छिपिं धाःसा जिमि मनूत जुइ।

जिं छिमिगु निंतिं पाय्‌छि इलय् वा वयेकाबी, गुकें यानाः बुँइ बाली सयावइ अले ख्‍यलय् च्‍वंगु सिमाय् फल सयावइ।

“‘छिपिं जिगु नियमकथं न्‍हेज्‍यात धाःसा अले जिगु विधियात मानय् यात धाःसा

“‘जिं छिमिगु देशय् शान्‍ति बी। छिपिं याउँक द्येने फइ। अले छिमित ख्‍याइपिं सुं दइ मखु। जिं देशं ग्‍यानापुपिं पशुत ख्‍याना छ्वये, अले छिमिगु देशय् लडाइँ जुइ मखु।

“‘जिं थःगु ख्‍वाः छिपिं पाखे स्‍वय्‌के, अले छिमित बांलाक ब्‍वलंकाः छिमिगु ल्‍याः अप्‍वय्‌काबी अले छिपिंनापं चिनातयागु बाचा पूवंकाबी।

जि छिमित मिश्र देशं पितहयाम्‍ह परमप्रभु छिमि परमेश्‍वर खः। छिपिं मिश्रीतय् दास जुयाच्‍वने मज्‍यू धकाः जिं छिमित मिश्रं पित हयागु खः। जिं छिमित झ्‍यातुगु कु लिकयाः छ्यं धस्‍वाकाः जुइपिं यानागु दु।

जि छिमिगु दथुइ थःगु हे पवित्र पालय् च्‍वंवये अले जिं छिमित मयय्‌के मखु।

“‘जि छिमि परमप्रभु परमेश्‍वर खः, अथे जुयाः छिमिसं थःगु लागि मूर्तित दय्‌के मज्‍यू। अले थःगु निंतिं पुजा यायेत गुगु नं झ्‍वाता, कियातःगु सिँया झ्‍वाता, ल्‍वहंया थां वा कियातःगु ल्‍वहं थने मज्‍यू।

छिमिसं न्‍हूगु बाली लये धुंकाः नं पुलांगु बाली नयाच्‍वनी। अले न्‍हूगु बालीया लागिं पुलांगु बाली लिकयाः छ्वये माली।

छिमि न्‍याम्‍हय्‌सिनं सच्‍छिम्‍हय्‌सित व सच्‍छिम्‍हय्‌सिनं झिद्वः मनूतय्‌त बुके फइ। छिमि शत्रुत छिमिगु तरवारं सिनावनी।

दाख मुनेगु ईतक छिमिसं बाली लयेगु ज्‍या याना हे च्‍वनी। अन्‍न पीगु इलय् नं छिमिसं दाख खानाच्‍वनी। छिमिसं लुधंक नयेखनी। छिपिं थःगु देशय् याउँक च्‍वनी।

छिमिसं थःपिनि शत्रुतय्‌त लिनाः तरवारं स्‍याये फइ।

“‘छिमिसं विश्रामबार हनेमाः, अले जिगु नापलायेगु पालयागु हनाबना तयेमाः। जि परमप्रभु खः।