Popular Bible Verses from LOOMƐITIƐ 8

Share

De kwɛ̃ni ga fai ɣaazɔ zu Gala ka tii ɣɛɛzu faa vagɔ ʋaa ma niitiɛ zaama te wõini la. Na ɣa ga niitiɛ yá te lili é ɣɛ velei é deʋea la.

Ƃɔvɛlaale dàavɛ la ga é ɣɛni ga saa ƃaa vulula, Gala ta ɣeela ƃaa ɣalasoda, é ɣɛ wɔnɔ ga ŋɛnii niitiɛ za te ŋetea ɔɔ niitiɛ te vaazu ɣɛɛzu ŋetea é vɛɛ gaa‐ƃaa va te ta nɛpɛ gɛ lɛ zooga ɔ́ de wulo Gala na wõilai yee wu. É ɣɛni wɔnɔ ga ŋɛnii niitiɛ te de maazu vele ƃaa niitiɛ te de wɔwɔ lɔɔ vele ɔɔ Gala kpɛtɛ ŋɛniitiɛ ɣaazɔ, te ta nɛpɛ gɛ lɛ zooga ɔ́ de wulo wõilai nii yee wu Gala ge boga ga diɛ de maliɣii Ziizɛ Kolai zaala zu.

Vele nɔ na Gala baa ŋinɛgi ƃɔsu la de va da zobo‐bala‐bɛ ʋai ma. Ƃɔvɛlaale dɛ lɛ kwɛ̃ni ga velei maa nɛɛ de Gala feli la. Kɛ̀ Gala baa ŋinɛgi tɔ ɣagi tɔ de vaa ʋaa wosu ga velei de ƃalasu la fai nii ɣa dɛ lɛ bo pele ɣaa ga laa woo.

Zɛƃɛ ɣa sa da bo fai nii zu? Ani Gala ka de wulu, ƃɛ ɣa a faa ɣe ga diɛ?

Na ma faa‐yɛ‐ma ʋaa nɛpɛ gɛ lɛ niitiɛ va ta Ziizɛ Kolaini te su ɣilekpu.

Nu ɣi‐togai nu ƃuse yii‐mai va tɔ ga saa. Kɛ̀ nu ɣi‐togai Gala baa ŋinɛgi va tɔ ga zɛʋu ta zii‐laa.

Kɛ̀ na pɛ ge ɣɛɛvɛ da ɣa de wala ɣee ɣaa ƃai fai nii ɣaazɔ zu nui nii é de wõiya sáala zu.

Gà ɣi gaa ziɛzu ma ga siɛgi nii zu laa‐nɔwɔ‐wogitiɛ tɛ lɛ kuloni bu ga nu te wo kɔ̃ɔ saala‐malai ma maʋaa ɣaa vaazu wodozu ga diɛ.

Ƃɛ ɣa yá de wulo Kolai na wõilai yee wu? Faa ƃoei, maa‐wõi, kpɔɔla, pulu, tete, faa ƃoei a ɣɛ zɛlɛni nu wũ maazu é vɛɛ boa zɔkpɔ va, te ta nɛpɛ ka de wulo Kolai na wõilai yee wu?

Na ɣa ɣɛɛ na nui é nu ƃuse yii zu ʋeelasu é kwẽni ga nii é baa ŋinɛgi ɣigi zu, na ɣa ga Gala baa ŋinɛgi ɣa Gala na dɔ numaitiɛ vaa ʋaa wosu ga Gala zii‐ma vele.

Toku ge zei ga taitiɛ ɣaazɔ Gala baa ŋinɛgi pele wulozu ga tiɛ ta ga Gala dea.

Ƃɔvɛlaale taitiɛ te ŋeteai ɣɛɛzu nu ƃuse yii‐mai mavele ma ta ɣi‐gaa‐ziɛi ɣa nu ƃuse ŋeteai zu ŋɛniitiɛ va. Kɛ̀ taitiɛ te ŋeteai ɣɛɛzu Gala baa ŋinɛgi yii‐mai mavele ma ta ɣi‐gaa‐ziɛi ɣa Gala baa ŋinɛgi yaa ŋɛniitiɛ va.

?Nui nii ɛ́ lɛ ɣi kpaani kpɔɔ lui ma, kɛ̀ to mu é ɣi kuloa maʋaa zu de pɛ de maʋaa ma, zɛƃɛ ŋɛni ɣa ɛ́ lɛ pɛɛ ba ɔ́ fe de ya?

Gala baa ŋinɛgi tɔ ɣagi ɣa yá vɛɛ da ɣi‐gaa‐ziɛi va tiɛ seele woo ʋe ga da ga Gala dea. Ani tɔwɔ da ga Gala dea, de ɣɛɛ ɣa na ga Gala kweligi kɛɛ vea. Da vɛɛ Kolai va da tiɛni de ɣɛ ga Gala kweligi kɛɛ vea, ani da vɛɛ na ba da tiɛni de laa‐nɔwɔ wo kɛɛ ʋaa ma de vɛɛ ba da tiɛni saalai la de ma ƃalaa pɛ.

Ƃɔvɛlaale nui ki togɛi nu ƃuse yii‐mai va tɔ ga Gala kɔɔ yɔ̃wɔ. Manui lɛ kolo wuloa Gala na tɔgi laa woi vɛ. Ƃɔɔƃɔɔ su ɛ́ lɛ zooga ɔ́ kɛ.

Ƃɔvɛlaale nii é ga Gala deaitiɛ te mavaa‐wulo ʋai kɛnɛ ma, Gala kpɛtɛ ŋɛnii zɔitiɛ ta ná maa kpowũsu tiɛ ná maa‐wõi‐wõi kulo.

De kwɛ̃ni ga Gala kpɛtɛ ŋɛnii zɔitiɛ ɣaazɔ te zei‐zu ɣɛɛvɛ ɣile tiɛ ƃala daa‐nɔwɔ‐wo gá é yɛga su zai ŋɛ ni ziitia.