Popular Bible Verses from LOOMƐITIƐ 14

Share

Ƃɔvɛlaale Gala na masadai maʋaa zu‐wulo‐zu lɛ ga daa‐mii‐ŋɛni‐mia ta kpoale‐ƃoale‐ŋɛni‐ƃoalea. Kɛ̀ maʋaa zu‐wulo‐zu ɣa ga tele‐bo tuo‐woga ta zii‐laa luo‐ɣɛɛ é vɛɛ kuu‐zu‐nɛɛ va yá ɣɛ nu ya Gala baa ŋinɛgi zaala zu. Nui nɛpɛ yá tii ɣɛ Kolai vɛ pelei nii zu, towaa ɣɛ ga nui nii Gala ka yee zei bu, nu ƃusea te yii la maʋaa ma.

De yɛni ŋetea, da yɛ na de maliɣii vɛ. Da za kɔnɔ, de kɛ de maliɣii vɛ. Na ma de yɛni ŋetea‐oo, de zaani‐oo da nɔ ga de maliɣii wo.

Na ma a de vile fai nii wulu yá va ga zii‐laa é kɛ a de wɔɔlɔ kpɔ‐ba‐wogai zu ga ɣiini.

Nii mavele ma a de mɛ lɛ sa wɔlɔ‐wɔlɔ ɣiini maa wulo, kɛ̀ nii mugi da kɛ tɔ ga de deʋe ga de mɛ lɛ sa wɔlɔ‐wɔlɔ de wɔɔ nu luo wu ɔ́ nɔ ɣɛ ga de de wɔɔ nu loo pulu ŋeteai zu.

Ponɛvɛ Gala kɔlɔi zu de maliɣii yìɛ ɣɛ tea, “Tei tɔwɔ gè na, nu pɛ ka vɛɛ kɔ̀wɔ wu. Na ɣa ɣɛɛ na nu pɛ ka laa wu ziɣi ma ga te dàa maa lɛ, nài gè ga Gala.” Na ma de yile‐giledai da vaazu woo zu wulozu da ƃɔɔ Gala gaazu.

A li na ga nui nii fii ƃɛi zee‐la‐mai zu pɔ́ɔ laa vele, a yee zei maʋaa wu. Kɛ̀ wa tiɛni a mɛ lɛ sakpe too faitiɛ ma wa ɣi‐gaa‐ziɛi lɛ wuuni kii ma te zu.

È lo‐su ɣa ga minɛ è nu ƃɔnɔ na tii‐ɣɛɛ nu maa wulozu? Towaa ziɛ ná wu ƃaa ɛ́ lɛ zia ná wu, minɛ ɣa ná nu keea nu yii la. Tɔwɔ towaa ziɛ ná wu, ƃɔvɛlaale zobo ka de maliɣii vɛ ga é kɛ é ziɛ ná wu.