Popular Bible Verses from FAA WULOAI KƐNƐ MA 5

Share

Na ɣa ɣɛɛ na te gui niinɛ looni tiɛ ɣɛ tea, “Kulovɛ bu yìɛ ga è kɔlɔ maa‐ƃiligai ziɣi è daa‐ƃakpa ŋɛniitiɛ laa lao, ƃɔvɛlaale te è vaani. Tɔwɔ è maŋamai é numaa wũ maa woni Gala faa ma. Na ɣa ga numaitiɛ te wuloni zii ɣaazɔ zu ta zii woo‐wo bea mazii ɣaazɔ é vɛɛ zuu ɣaazɔ va.

Te ɣɛni bosu ga woo wala tiɛ ɣɛ tea, “Kulovɛ bu Baala Zuwui nii vɛ te paa ga é gaa‐ƃaa maa zɔlɔ wo ta kpɛtɛ é vɛɛ kele‐ɣele ba ta zee‐zu‐ƃaa. É vɛɛ wɔnɔ wũfe‐ma va ta saala‐malai é vɛɛ tuuyiɛ va!”

Na ɣa ɣɛɛ na è te ɣɛɛ ga masada zei‐zu ɣila è te ɣɛ ga gá Ɣalagi na laa‐ʋaalega, tɔwɔ ta vaazu masada ɣɛɛzu zui zu.”

Na ɣa ɣɛɛ na ʋulu ŋɛnii nɛpɛ é gee‐zuvɛ ta zui ɣa é vɛɛ zui wu va ta yuwu wu, te pɛ gè te woo mɛnini tiɛ ɣɛ tea, “Nui é zeini masa kpɔkpɔgi ɣa é vɛɛ Baala Zuwui va, tuuyiɛ ɣa ɣɛ te ma fãa, wũfe‐ma ɣɛ te vɛ, saala la te ma te yee zu ƃaa wɔlɔ‐wɔlɔ ta wɔlɔ‐wɔlɔ!”

Nuwutiitiɛ te ɣila ge ɣɛ sa mà, “Mɛ lɛ wɔlɔ. Wɛlɛ! Zalai é Juda nu zuwui zaama é ga Deeve mawulo‐bai ta towa zée zia ná wu ga yá zoo é kɔlɔi laa lao é daa‐ƃakpa ŋɛni lɔfelaitiɛ ɣale‐ɣale.”