Popular Bible Verses from FAA WULOAI KƐNƐ MA 11

Share

Na ɣɛɛzu Gala ta ɣeelai dɔfela kelei yíɛ ná pui ʋɛ. Doba gooni te ɣɛni sa lɛɛzu gee wɔlɔgi zu tiɛ ɣɛ tea, “Zui mamasadai ɣɛɛ sa ga de maliɣii Gala na masada ta nuí nii é yee ƃadoga bá. Towaa masadai ɣɛ wɔlɔ‐wɔlɔ ta wɔlɔ‐wɔlɔ.”

Ziitiɛ te woei leveni. Kɛ̀ yà yii‐ɣaa‐wãlai vaani ta siɛgi saa vea ta ʋaa‐wogi ɣaa levezu la. Siɛgi ziitia yà lii‐ɣɛɛ veaitiɛ‐wulo ʋaa ma ta lii zu‐lɔnɔ ma. Natiɛ ta ga è laa woo‐wo beaitiɛ, ta niitiɛ te wuloai su leelaa ga yà dɔa, é vɛɛ niitiɛ va ta luo yà laa‐zeigi va, manu vɛlɛ‐vɛlɛga vɛɛ maƃaazaga va. Na ɣa ɣɛɛ na siɛgi ziitia wɔnɔ niitiɛ zu― ŋala‐ŋala faa ma te ga zui‐zu‐ŋala‐ŋala beaitiɛ.”

Na ɣa ɣɛɛ na gà gaa‐ƃaa ʋe nà seele felegɔitiɛ ya ga te Gala daa woi wo folo wulu gila wũ felegɔ zee lɔzitai nii yee wu, te maa ɣiliai ga seɣe yaŋala yíɛ dɛ ga te maa wõivɛ.

Kɛ̀ tei sa folo saagɔ ta tikpegi leveni, ʋululai mayɛʋui wuloni Gala zeea é loo te zu te wu ziɣi sa te lo. Tɔwɔ taitiɛ ɣaazɔ te wɛlɛni te va, duo ƃakpa vilini te ma.

Gaa‐ƃaa ɣa te ya ga te gee wɔlɔgi laa wulu, kɛɛ ʋaa ma tine nɛpɛ ge mɛ lɛ pu siɛgi na zu ta ɣɛ Gala daa woi wosu la. Gaa‐ƃaa ɣa wɔnɔ te ya ziɛitiɛ maazu ga te te wote ga ŋama. Na ɣa ɣɛɛ na tiɛ va ga faa ƃoei zii ɣaazɔ zui zu ga siɛgi nɛpɛ yá nɛɛ la te vɛ.

Seele felegɔi niitiɛ ɣa te ga “ale” wulu felegɔitiɛ ta labo‐zei ŋɛni felegɔitiɛ te vileni zui maliɣii laa wu. Tɔwɔ ani nu nɛpɛ ka ɣɛ na é ŋada zei te va, ŋabu ɣa wulo te la é te wɔɔ yɔ̃wɔitiɛ ƃɔɔ ɣala ʋũa. Ani nu nɛpɛ ka ɣɛ na é ŋada zei te va, vele ɣa na maa nɛɛ manui zaa la.