Popular Bible Verses from FELEPAITIƐ 4

Share

A mɛ lɛ yii zɛlɛ, kɛ̀ fai ɣaazɔ zu a kɛ Gala ge wo ƃala‐ma ʋaitiɛ wɛ̃ɛ Gala‐felia maazu ta maa‐nɛɛnɛ‐boga é vɛɛ mama‐feea va.

Gala na zii‐lai nii nu ƃuse ta nɛpɛ gɛ lɛ gaa ɣaa ga ná kele‐ɣele towaa ƃaa wo yii maazu ta wa ɣi‐gaa‐ziɛi Ziizɛ Kolai zaala zu.

Na pɛ ka ɣɛɛ na, nà numaa, nii nɛpɛ é ga gaama, nii nɛpɛ é ga ƃaa‐la‐ma ʋaa, nii nɛpɛ é ga tele‐bo faa, nii nɛpɛ maʋaa maa wuai, nii nɛpɛ é ga nu wõi‐ɣɛ‐ma ʋaa, nii nɛpɛ saala ma, ani wɔnɔ ŋɛni ta nɛpɛ ka na pagɛi baa pɛ ba, ani ŋɛni ta nɛpɛ ka na kuloai bu bɛ́ ga daa‐maa‐lɛɛ wo da, a ɣi gaa ziɛ é vile ŋɛnii niitiɛ va.

Gà zoo gè faa pɛ kɛ nui nii zaala zu é sù ƃaazu.

A wuu zu nɛɛ ga ɣɛɛ nɛpɛ wo ɣɛɛ vele ma su ɣilekpu wa de maliɣiini. Gè ɣɛ wɔnɔ wo ma, a wuu zu nɛɛ.

Na ɣa ɣɛɛ na nà Galagi ɣa wo ƃala‐ma ʋai ɣaazɔ laa‐zɔ bo wiɛ è ɣɛ velei nɔ ná kpɛtɛi la saala‐malai zu wo ɣɛɛ vele ma su ɣilekpu wa Ziizɛ Kolaini.

Nii nɛpɛ wo maa wolia, nii kɔnɔ wo maa zɔlɔ woga ta nii wo mɛniga é vɛɛ fai nii va wo pɛtɛga nà ŋeteai zu, a te ɣɛ. Na ɣa ɣɛɛ na zii‐lai maƔalagi ɣa ɣɛ wo woba.

Ƃe ba nu pɛ ge wa yii‐lɔɔ ʋai wɛ̃ɛ. De maliɣii maa ƃuovɛ sa.

Gè kwɛ̃ni ga velei gà ziɛ la ná wu ani gà ɣɛ na ga mɔɔlɛ nu, kwɛ̃ɛgɛi wɔnɔ bɛ̀ ga velei gà ziɛ la ná wu ani gà ɣɛ na ga ŋɛni keea nu. Gè faa maa wolia pele mazii ta nɛpɛ su. Gè maa wolia pele mazii ɣaazɔ zu ga ani ŋɛni laa ɣa loo na, velei gà maziɛ wo da. Ani wɔnɔ ŋɛni mawulu ɣa loo na, velei gà maziɛ wo da. Ŋɛni ɣa lama na, ŋɛni mavala ka loo na wɔnɔ, gè kwɛ̃ni ga velei gà maziɛ wo da.

Ɛ́ lɛ ga zili ɣa gè saɣazu é vile kpàla‐ma ʋaa va, ƃɔvɛlaale gè faa maa wolia ga togi nɛpɛ gè ɣɛ su ná zìi la.