Popular Bible Verses from 2 PITE 1

Share

Ná Gala gaa‐ƃai ʋaa bu de ŋɛni ɣaazɔ maa zɔlɔ wo pilegɛi zɛʋu va ta Gala tuo‐wogai. Nii ɣɛɛvɛ nui nii maʋaa ɣaa‐ɣai zaala zu nii é de liliga kpɔɔ zaala‐malai ma ta maʋai nii gwala vagɛi. Nii zaala zu ɣa é tɔnɔ‐ba ɣi‐to gwalaitiɛ laa ziitia la de ma, kɛɛ ʋaa ma wo wulo su‐ƃɔnɔ‐wo fai yee wu ŋɛni‐wõi‐leve‐mai kɛɛ é ɣɛ ŋeteai nii zu, na ɣa ɣɛɛ na velei Gala ge la wo wɔɔ laa ɣɛ maʋai va.

Nii ƃɔɔƃɔɔ mazaƃui ma, a ɣaa ƃaa ga pelei ɣaazɔ wo wa yee‐la‐mai laa wulo ga faa vagɔ‐ɣɛɛ. A faa vagɔ‐ɣɛi laa wulo ga faa‐ɣaa‐ɣaa, wo faa‐ɣaa‐ɣai laa wulo ga ƃɔɔ zu‐zoga faa ma, wo zu‐zo‐faa‐mai laa wulo ga loga‐kpãa, wo to‐kpãagi laa wulo ga Gala tuo‐woga. A Gala tuo‐wogai laa wulo wɔnɔ ga lua ga ɣiini è ɣɛ velei leɣe ƃɔga liɛ ta ɣiini maa‐wõi zo da. Leɣe ƃɔga liɛ te ɣiini maa‐wõi‐zo tuoi wɔ, wo nà laa wulo ga wõila.

Su‐wulo‐zu ɣa ga ani ŋɛnii niitiɛ ta ga wo wo te lamai wo ya, ta wo ƃe teve ɣɛɛ va ga nui kɛɛ ʋaa lɛ ɣɛɛ ma ta nui tɔnɔ lɛ ɣɛɛ ba de maliɣii Ziizɛ Kolai maʋaa ɣaa‐ɣai zu.

Na ma, nà numaa, a wɔɔlɔ maʋai wala zu kɛɛ ʋaa ma tiligi bogɛi ga wiɛ ta wo wuloi bogɛi, wo ná wulu ƃaa. Ƃɔvɛlaale wa nii ɣɛɛ na, wɛ lɛ wɔlɔ‐wɔlɔ loa.