Popular Bible Verses from Psalm 139

Share

Ich gebb dank zu diah, veil ich furchtboah un vundahboahlich gmacht binn, dei verka sinn vundahboah, un dess vayst mei sayl goot.

Gukk in mei innahlichah mensh, oh Gott, un sayn vass in meim hatz is, broviah mich un sayn mei engshtlichi gedanka. Gukk un sayn eb ennichah gottlohsah vayk in miah is, un fiah mich uf em ayvicha vayk.

Du hosht mei innahlich leib gmacht, un hosht mich zammah gedu in mei muddah iahra leib.

Dei awwa henn mich ksenna eb ich zammah gedu voah, un awl di dawwa es gevva voahra fa mich voahra ufkshrivva in dei buch, eb si blatz gnumma henn.

Oh HAH, du hosht mich innahlich ausksucht, un du kensht mich.

Vo kann ich hee gay, vekk funn deim Geisht? Vo kann ich anna gay es du nett datt bisht?

Du vaysht's vann ich mich anna hokk, un vann ich uf shtay; du vaysht mei gedanka funn veit ab.

Even eb en vatt uf mei zung is, dann vaysht du's shund, oh HAH.

Du vaysht's vann ich naus gay, un vann ich mich anna layk; du bisht bekand mitt awl mei vayya.