Popular Bible Verses from Shpricha 16

Share

Gebb ivvah zumm HAH sell es du du vitt, un du zaylsht dei eahvet recht ausdrawwa.

En mann macht aus vass eah du zayld, avvah da HAH fiaht sei shritt.

Blesiahlichi vadda sinn vi hunnich, si sinn sees zu di sayl un hayla di gnocha.

Vass da mensh im sinn hott fa du kumd fumm mensh, avvah sell es di zung sawwa soll kumd fumm HAH.

Es is bessah fa nett kshvind bays vadda es vi fa mechtich sei, un veah sei zann meishtaht, is bessah es aynah es en shtatt ivvah-nemd.

Di shtolsheit gayt fannich's fadauves heah, un da hohchmoot fannich em fall.

Ebbah mecht denka es sei vayya sinn recht, avvah da HAH veekt da geisht fumm mensh.

Veah-evvah es acht gebt vann eah ebbes dutt, zayld goot du, un ksaykend is sellah es sei fadrauwa in da HAH dutt.

Es is bessah fa vennich havva mitt gerechtichkeit, es vi feel havva es uneahlich grikt voah.

Es hott en vayk es recht seemd zu en mann, avvah's end funn sellem vayk is da doht.

En gottlohsah mensh shtroit shtreit, un aynah es kshvetzah drawkt kumd zvishich leit es freind sinn.