Popular Bible Verses from Shpricha 13

Share

Veah mitt mennah funn veisheit lawft, grikt veisheit, avvah veah rumm gayt mitt di unksheida dutt sich selvaht vay.

Veah sei maul heet, hald sei layva aus di kfoah, avvah veah sei kshvetz nett heet, kumd zu nix.

Veah da shtekka shpoaht mitt seim boo hast een, avvah veah een leeb hott macht een heicha.

Hofning es voahra muss, gebt em hatz angsht, avvah en falanga es folfild is, is vi en bohm funn layva.

Di gerechtichkeit heet di ufrichticha, avvah ungettlichkeit macht di sindah falla.

Reichheit es letz grikt voah, vatt vennichah un vennichah, avvah ebbah es geddaht bei shaffa macht's vaxa.

Unnich di shtolsa is immah shtreit, avvah veisheit is kfunna bei selli es roht nemma.

En goodah mann lost en eahbshaft zu sei kinds-kinnah, avvah di reichheit funn di sindah gayt zu di gerechta.

En boo mitt veisheit heicht ab vass sei faddah eem sawkt, avvah en shpoddah nemd di shtrohf nett oh.

Veah's nett ohnemd vann eah recht ksetzt vatt, hott oahmoot un shanda, avvah sellah es es ohnemd is hohch ohksenna.