Popular Bible Verses from Shpricha 1

Share

Di furcht fumm HAH is da ohfang funn eisicht; avvah dummi leit gukka nunnah uf veisheit un gleicha nett recht ksetzt sei. Mei kind, heich ab vass dei daett dich land, un faloss nett di sacha es dei maemm dich gland hott.

Di dumma drayya vekk un sell macht si doht; di aldvannisha sinn unbekimmaht un kumma um. Avvah veah mich abheicht zayld aus di kfoah layva; eah zayld im roo voona un sich nett feicha funn evil.”

Veah veisheit hott, zayld heicha un may lanna, un veah fashtayt zayld roht greeya in veisheit

Mei kind, vann sindah dich lokka, gebb nett ei zu eena.

Dess sinn di shpricha fumm Solomon, em Dawfit sei boo, da kaynich funn Israel. Dee shpricha sinn kshrivva so es leit veisheit un lanning greeya kenna, un di vadda funn eisicht fashtay kenna; dess is so es si lanning greeya kenna fa sich recht ohshikka, in gerechtichkeit, in richta un in eahlich sei; so es selli vo nett kshvind fashtayn, gland vadda, un so es di yungi leit eisicht un fashtand greeya.

no zayla si roofa zu miah, avvah ich zayl kenn andvat gevva; si zayla mich oahrich sucha, avvah si zayla mich nett finna, veil si eisicht kast henn, un henn em HAH sei furcht nett havva vella.