Popular Bible Verses from Matthäus 24

Share

Un veil ungerechtichkeit ivvah-hand nemd, dutt feel leit iahra leevi abkeela. Avvah alli-ebbah es aushald biss an's end vatt saylich.

Un dess Effangaylium fumm Reich vatt gebreddicht zu di gans veld fa en zeiknis zu alli lendah, un no kumd's end.

Un diah zaylet heahra funn greek un kshvetzah funn greek. Saynet es diah nett gedruvveld sind, fa dess muss blatz nemma, avvah's end is noch nett do.

Fa ay land zayld greek macha mitt em anra un ay kaynich-reich mitt em anra kaynich-reich, un's zayld hungahs-noht gevva un di veld zayld shidla do un datt an feel bletz. Awl dess is yusht da ohfang funn feel druvla.

Da Himmel un di eaht vadda fagay avvah mei vadda zayla nett fagay.”

Fa feel kumma in meim nohma un sawwa, ‘Ich binn Christus’ un si doon feel fafiahra.

No drayya si eich ivvah zu grohsi dreebsawl un macha eich doht, un fa mei nohma zayla diah kast vadda bei alli lendah. Un no doon feel vekk falla un farohda nannah un si zayla nannah hassa. Un feel falshi brofayda kumma uf, un zayla feel leit fafiahra.

Jesus hott eena ksawt, “Gevvet acht es nimmand eich fafiaht.

Fasell missa diah grisht sei, fa da Mensha Sohn kumd an en shtund es diah nett visset.

So machet es diah am vatsha sind, fa diah visset nett vellah dawk es eiyah Hah kumd.

“Avvah funn sellem dawk un funn selli shtund vayst nimmand. Even di engel im Himmel vissa's nett, un aw nett da Sohn, avvah yusht da Faddah.

Fa falshi Chrishta un falshi brofayda vadda uf kumma, un si zayla vundahboahri sacha du un vundahboahri zaycha veisa. Vann's meeklich veah dayda si even dee fafiahra vo raus groofa sinn.

Vi's voah an di zeit fumm Noah, so zayld's sei vann da Mensha Sohn moll kumd. Fa vi's voah in di dawwa eb di sindfloot, si henn gessa un gedrunka, henn keiyaht un sinn keiyaht vadda biss an da dawk vo da Noah in di oahrich ganga is. Un si henn nix gvist difunn biss di sindfloot kumma is un hott si awl vekk gnumma. So zayld's sei vann da Mensha Sohn moll kumd.