Popular Bible Verses from Joshua 10

Share

So is di sunn shtill kshtanna un da moon hott kshtobt, biss di leit iahra feinda ausgeebt katt henn. Is dess nett ufkshrivva im buch funn Jashar? So is di sunn shtay geblivva in di mitt fumm himmel, un is nett unnah ganga fa baut en gansah dawk.

Uf em dawk es da HAH di Ammoriddah ivvah-gevva hott zu Israel, hott da Joshua kshvetzt zumm HAH fannich Israel, un hott ksawt: “Oh sunn, shtay shtill ivvah Gibeon, un oh moon, ivvah's deich funn Ajalon.”

Un's voah nee kenn dawk vi sell difoah adda siddah—en dawk es da HAH abkeicht hott zu di shtimm funn en mann. Dess voah veil da HAH kfochta hott fa Israel.

Da HAH hott no ksawt zumm Joshua, “Feich dich nett veyyich eena; ich habb si in dei hend gevva. Nett aynah funn eena soll ufshtay geyyich dich.”

Da Joshua hott no ksawt, “Feichet eich nett, un seind nett engshtlich. Seind gedrohsht un shtandhaftich. Dess is vass da HAH du zayld zu awl eiyah feinda es diah fechtet.”