Popular Bible Verses from Jesoiya 65

Share

Eb si roofa, gebb ich andvat, diveil es si am shvetza sinn, heahrich si.

“Nau gukket, ich zayl neiyi himla un en neiyi eaht macha. Di sacha funn eahshtah zrikk vadda fagessa, un nimmand denkt an si.

Si zayla nett shaffa un nix raus greeya, adda kinnah havva es yung umkumma; si sinn en leit es ksaykend vadda beim HAH, un aw iahra nohch-kummashaft.

Si zayla nimmi lengah heisah bauwa es anri drinn voona; si zayla nimmi blansa, un anri's essa. Di dawwa funn mei leit zayla sei vi di dawwa funn baym; mei leit zayla sich lang froiya mitt em sach es iahra hend macha.

Es zayla kenn kinnah datt sei es yusht poah dawk layva, adda aldi leit es iahra yoahra nett folfilla; selli es en hunnaht yoah ald vadda, vadda gnumma es yungi leit. Selli es shtauva eb en hunnaht, vadda gnumma es fadamd.

Da volf un's lamm feedra mitt-nannah, da layb zayld shtroh fressa vi da ox, avvah di shlang muss shtawb fressa. Si zayla kenn shawda du adda ebbah vay du, uf meim heilicha berg,” sawkt da HAH.

Ich zayl mich froiya ivvah Jerusalem, un frayt havva in mei leit; di yacht funn heila vatt nimmi keaht datt, un aw nett di shtimm funn yammahra.