Popular Bible Verses from Breddichah 12

Share

Es end funn awl demm is nau keaht vadda. Un do is vass miah uf kumma mitt: Firchtet Gott un haldet sei gebodda; dess is vass alli mann shuldich is fa du.

Fa Gott zayld alli ding richta es miah doon, un sell maynd alli goot adda shlecht ding un aw sell es hinna rumm gedu vatt.

Fagess nett deah es dich kshaffa hott diveil es du noch yung bisht, un eb di evila dawwa kumma un di yoahra nayksht kumma vann du sawksht, “Si kfalla miah nett”— eb di sunn un's licht un da moon un di shtanna dunkel vadda, un di volka zrikk kumma noch em reyya

Denk an deah es dich kshaffa hott— eb da silvah shtrikk fareist, un eb di goldich shissel fabrecht; eb da pitshah fabrecht an di shpring un eb's rawt fabrecht am brunna; eb da shtawb zrikk drayt zu grund, vo eah bei kumma is un eb da geisht zrikk gayt zu Gott, deah es een gevva hott.

“Awl dess hott kenn mayning,” sawkt da Breddichah. “Nix in layva hott mayning.”