Popular Bible Verses from Breddichah 1

Share

Fa mitt feel veisheit, kumd feel dreebsawl; un deah es feel lanning grikt, muss feel leida.

Sell vass voah, zayld viddah sei, vass gedu voah, zayld viddah gedu sei; es is nix neiyes unnich di sunn.

Alli-ebbes macht em falayt un meet, nimmand kann faddich vadda alles sawwa. Es awk kann nee nett faddich vadda alles sayna, un's oah kann nett faddich vadda alles heahra.

“Nix in layva hott mayning, nix,” sawkt da Breddichah. “Goah nix hott mayning, alles is unni mayning.” Vass goot dutt's da mann fa awl di eahvet es eah dutt, alles es eah shaft unnich di sunn?

Ich habb awl di sacha ksenna es gedu sinn unnich di sunn; si sinn awl unni mayning, so vi vann ma broviahra dayt da vind fanga.

Ay layves-zeit fagayt, un en anri kumd, avvah di eaht bleibt shtay fa'immah.

Nimmand denkt an di sacha es eahshtah blatz gnumma henn, un aw nett an di sacha es noch kumma zayla. Si vadda awl fagessa bei selli es nohch kumma.

Ich habb miah foah-gnumma fa lanna veisheit fashtay, un aw dummi un leahri sacha, avvah ich habb auskfunna es dess aw is vi broviahra da vind fanga.