Popular Bible Verses from 5. Mosi 10

Share

Un nau, oh Israel, vass foddaht da HAH eiyah Gott funn eich, unni yusht es diah da HAH eiyah Gott firchtet, in awl sei vayya lawfet, een leevet, un da HAH eiyah Gott deenet mitt awl eiyah hatz un mitt awl eiyah sayl, un es diah sei gebodda un adninga haldet es ich am eich gevva binn heit fa eiyah goot.

Da HAH eiyah Gott is da Gott ovvich awl anri gettah, un da Hah ovvich awl anri hahra. Eah is da grohs, mechtich un shreklich Gott es kenn unnahshitt veist unnich leit, un nemd kenn kshenk hinna rumm.

So beshneidet eiyah hatz, un seind nimmi dikk-kebbich.

Eah shtayt uf fa di kinnah unni eldra un fa di vitt-veivah. Eah hott di ausahra leeb un gebt eena ess-sach un glaydah.

Preiset een; eah is eiyah Gott es selli grohsi un shreklichi sacha gedu hott fa eich es diah ksenna hend mitt eiyah awwa.

Diah sellet da HAH eiyah Gott firchta un een deena. Hayvet oh zu eem un shveahret bei seim nohma.

Zumm HAH eiyah Gott heaht da himmel un di haychshta himla, di eaht un alles es drinn is.

Diah sellet di ausahra aw leeb havva, fa diah selvaht voahret ausahri in Egypta.