Popular Bible Verses from Hebelu 3

Share

Komiu ma kami kahao bena kwa haihedehededehebayaoꞌuyoigomiu mayadai kesega kesega udiyedi. Na teina mayadai kesega kesega Yaubada ye katai “teina mayadai ta”. Unai kabo taba nige yababa ye lupoigomiu na nuwamiu se kwailolo Yaubada unai.

Bena kwa kitanamwanamwa, kagu kahao yo louguwao. Kwa kitaheteteꞌuyoigomiu tabu nuwamiu se yababa yo se labulabui, yo tabu Yaubada Maumaulina kwa nuwagabaei.

Ena nuwada ta tolekesegai Yaubada unai ye lau ee yoda huya kana siga yo ta tolobayao yoda sunuma unai doha huya bagubagunana yoda nuwabui mayadaina wa, kabo ta hemala Keliso kana kahao yo lounao mamohoidiyao.

tabu nuwamiu kwa hekwailolodi iya unai, doha Isalaela tamowaidiyao se tolodagedagelaei huyana Yaubada se laukita balabala unai.

Kagu kahao yo louguwao, Yaubada yona tamowai, galewa yogana taulapuina doha yau, ya henuwa bena huya maudoina nuwamiu se lau Yesu unai. Iya ede ta hededegabae meta iya Yaubada yona hetahetamali tamowaina yo yoda taukaitalasam saesaena.