Popular Bible Verses from Romans 9

Share

So ih no dipen pahn weh sombady waahn or weh dehn du, weh mek God pik dem. Ih jos dipen pahn God morsy, notn els!

Nuotis weh ihn wehn seh, wen ihn taak tu Moses: “Ai gwain gat morsy pahn huu Ai waahn, ahn Ai gwain gat pity pahn huu Ai waahn.”

Dah huu unu tink unu, fi taak bak tu God? Wan plien pat weh mek outa mod no gwain grombl tu di man weh mek'ih, ahn aks im seh, “How kom yuu mek mi so?”

So den, if God gwain gat morsy pahn sombady, ihn gwain gat morsy pahn dem. Ahn if ihn gwain mek dehn haat haad, him gwain mek dehn haat haad.

Aftaraal, di wan weh mek di pat gat di rait fi tek di mod ahn mek weh ihn waahn mek. Him gat di rait fi tek di mod ahn mek wan pat weh luk prity, or mek wan pat weh jos plien, no chruut?