1
Isaiah 30:21
Keley-i Bible (Antipolo Ifugao)
ify
Hedin yuka pan-ihhingngi dellanen yu ey wadad dingkuggan yu e kantuy “Entan tu idlan ditan, yaddih pengidlanim.”
Compare
Explore Isaiah 30:21
2
Isaiah 30:18
Nem nanengtun hehheggeden APU DIOS hu pantuttuyyuan yu et hemeken dakeyu. Tep hi-gatu e Dios ey meandeng emin hu tuka pehding. Et humman hu, man-am-amleng ida kamengiddinnel ni hi-gatu.
Explore Isaiah 30:18
3
Isaiah 30:15
Kan mewan APU DIOS e Eta-gey niya Kayyaggud ni peteg ni Dios ni Israel ey “Gullat et ni mambangngad kayun mengiddinnel ni hi-gak, ey meihwang kayu, mambalin kayun na-let niya umlinggep kayu. Nem eleg, tep nanengtun manghay kayu.
Explore Isaiah 30:15
4
Isaiah 30:20
Anin ni kantu et iddawtan dakeyun Apu Dios ni panhelheltapan yu, et wadan ingganah ni mengituttuddun pehding yu.
Explore Isaiah 30:20
5
Isaiah 30:19
Hi-gayun iJerusalem, medettengan ali aggew ni eleg kayu law umnangih. Kabbabbal ni peteg hi APU DIOS et hedin mampehemmehemmek kayun hi-gatu, ey baddangan dakeyu.
Explore Isaiah 30:19
6
Isaiah 30:1
Huyya inhel APU DIOS idan mangkanghay ni tutu-u tu e kantuy “Yadda iJudah ey nanna-ud ni mekastigudda tep da-ak kangengngehaya. Yadda implanuh dan pehding da ey beken ni hi-gak kan planuh. Ida mewan ni-ngangu kamekihhummangan idan eleg mengullug ni impahding da inhuhummangan dan eggak pinhed. Et humman hu, daka pan-edumi liwat da.
Explore Isaiah 30:1