Popular Bible Verses from Gianyuta 20

Share

Ngatamoro kalikame bin koudo be kowandiko nyinge i itabu me kuo, oudo kouce i nam me mac.

Di ako neno jo oto, me ruom amalo kede me ruom apiny, di kitie cungo i nyim kom me ajakanut nono. Oko yabo itabun, doko di oko yabo itabu moro ace, kame obedo itabu me kuo. Di oko ngolo ne jo oto kop di lubere kede gikame oudo kitimo, kame oudo kowandiko i itabun nogo.

Di nam adwong oko cwano jo oto kame oudo tie iye. To kede kabedo me jo oto da oko cwano jo oto kame oudo tie i yi gi, di oko ngolo ne gin dedede kop di lubere kede gikame oudo kitimo. Di oko uco to kede kabedo me jo oto i nam me mac. Nam me mac noni en to me are.

Di ako neno twon kom moro atar me ajakanut kede ngat kame oudo bedo iye. Lobo kede malo oko rwenyo wir ki nyime, di kargi oko doko li.

Di mwakini tutumia acel otiek, kobino gonyo Sitani ki otkol mere, di en eko wok ot ngalo jo me atekerin kame tie i bad ongwon me lobo, en Gog kede Magog, pi coko gi ot yi. Gin kitot bala asinge me dog nam.