Popular Bible Verses from Gianyuta 14

Share

Di ako winyo dwan moro kame wok ki malo di waco be, “Wandiko kop ni: cako nan, kitie kede winyo jo kame to di kitie i Rwot.” Tipo oko dwoko be, “Ateteni kitie kede winyo. Gin kibino wei ki lole gi, pien tice gi upere kede gi.”

Man tie lwongo but jokacil pi kanyakino, jo kame gwoko cik ka Rubanga kede kame moko i yei gi i kom Yesu.

Di en eko waco kede dwan amalo be, “Lworunu Rubanga di ikounu mine deyo, pien esawa mere me ngolo kop otieko tuno. Worenu, en ngat kame ecweo malo kede lobo, nam kede ataneko me pii.”

Malaika ace me adek mere oko lubo di ewaco kede dwan amalo be, “Ka ngatamoro oworo le kede cal mere, di oko keto ne alama i tur nyime arabo i cinge, eda ebino mato bwini ka Rubanga, en lilo mere, kame eonyo di kec i ikopo me gero mere. Doko kobino mine acana kede mac kede salupa i nyim imalaikan kacil kede Katin Romo. Yiro me mac kame kocano gi kede duny eoto malo ikar kede ikar. Jo kame woro le nono kede cal mere, kede jo kame koketo ne gi alama me nyinge, gin kibino neno can iwor kede iceng abongo wei.”

Di ango ako neno Katin Romo di etie cungo i wi moru me Sion. Oudo etie karacel kede jo tutumia tol acel kede ot ongwon kiwie ongwon, jo kame kowandiko nyinge kede nying Papa mere i tur nyim gi.

Di ako neno malaika ace di tie por i malo i dier yamo, di etie kede ejiri kame bedo nakanaka, pi tuco ne jo kame bedo i wi lobo, ne jo me atekerin dedede, abilere dedede, leb dedede kede jo me erangi dedede.

Malaika ace, me are mere, di oko lubo di ewaco be, “Epoto, Babilon adwong otieko poto! En emio atekerin dedede omato bwini mere, en tim mere me caro kame kelo lilo ka Rubanga.”