Popular Bible Verses from Yai 9

Share

Ango aweki ibedo kuo pi nyuto ni twer na kede pi mino nyinga bed iruo i wi lobo lung.

Di Rwot oko waco ne Musa be, “Oti but Parao di iko waco ne be Rwot Rubanga me Iburanian owaco be, ‘Wek jo na yai kioti kiwora.

Pien ka koto oudo ango akelo aumpuli i komi kede i kom jo ni, koto nan likame tie dano moro kodong kuo i wi lobo.

abino mini alola i yore me cwano ni tuwo arac me leini: asigiran, pundan, aguraguran, doke, romini kede diegi. Do abino nyuto apokapoka i dierediere me leini me jo me Isirael kede me jo me Misiri, tetekeny kur le moro kikom leini me jo me Isirael toi.

Diki i esawa noni ango abino mino akako me aura cwei kanoni, kame epone mere lem pwodi likame otimere Misiri cako i ageini mere. Nan do cwai kop dwok leini ni kede jame ace apat dedede atie obar tetekeny kiud kagwok; jo kede leini dedede kame tie obar abongo kagwok bino totoun kame akako ocwei i kom gi.’ ”

En ebino doko apua di eko duny i wi lobo me Misiri dedede, di eko bino kelo giakwoti i kom jo kede i kom leini i lobo me Misiri dedede.” Aso, gin kiko jobo buru mogo ki keno di kiko ot cungo i nyim Parao, di Musa oko kiro buru i yamo di manono oko kelo buge me giakwoti i kom jo kede i kom leini.