Popular Bible Verses from Yai 23

Share

Ibinunu wora, ango Rwot Rubanga wu, di ango ako bino mino winyo i kom cam wu kede pii wu; doko ako bino mino ibedunu abongo tuwo moro. I lobo wu likame tie dako moro kame yie bino wok arabo kame bino bedo adonge; abino mino wu kare alac me kuo.

“Neningo, ango abino cwano malaika telo ne wu yongayo, pi en gwoko wu i yongayo di eko tero wu i kabedo kame ango atieko iiko.

Do ka wun iwinyenu di ikounu timo gi dedede kame ango awaco, ango abino dingere kede jokwor wu doko abino dagi jo kame dagi wu.

Kur idok i bad kame jo tot iye pi timo gikarac; kame itie mino ijura i pido moro, kur ilengere i bad kame jo tot iye pi mito totolo ngolo kop i ateni; doko kur ibed kede apokapoka but ngacan kame kotie pide.

“Kur itero kop me abe, doko kur iribere kede dano arac pi in mino ijura me angalo i kom dano moro.