Popular Bible Verses from Yai 2

Share

Rubanga oko winyo cur gi di eko yutuno isikan kame oudo etimo kede Aburaam, Isaka kede Yakobo. Rubanga oneno peko me jo me Isirael di eko paro pirgi.

Ingei mwakini mogo, Parao me Misiri oko to. Jo me Isirael oudo pwodi tie meede cur kede peko kame oudo kitie iye bala mabus, di kikok pi kony. Di gin oudo kitie bala mabus kamanono, koko gi oko tuno but Rubanga.

Kakame atin odongo kede, en eko tere but nyar ka Parao di nyako nono oko game pi bedo bala wode. En eko cako nyinge Musa, piento en ewaco be, “Ango awote ki pii.”

Nyar ka Parao oko waco ne dako nono be, “Teri atin noni ioti igwok na, ango abino culi.” Aso, dako nono oko tero atin di eko ot gwoke.

Nyar ka Parao oko ot pi bol i ecilet, di anyira akonye oko ber donyo latao di kiririo dog ecilet. En eko neno di ebukit tie i dier otol di eko cwano nyako ngakonye pi ot kwanye.

Ceng moro acel di Musa otieko dongo, en eko wok ki paco ka Parao eko ot roto jo mege, di eko neno epone kame oudo kotie dino gi kede timo tic atek. En eko neno di dano me Misiri tie bungo Ngaeburania moro, dano acel kikom jo mege. En eko ngongolo piny, kakame eneno kede be likame ngatamoro oudo tie nene, eko neko dano me Misiri nono di eko kano kome i asinge.