Popular Bible Verses from Rom 4

Share

Kei rolokoveintei demkatien onen, ka masmas Ahi veni kilea keke asa koa Ahi vat kati mini hekistal hesuval koa kei viteni. Sakini, demkatien onen Ebraham sakin rendemien onen mai keih imok.

Koanek suval koa Tus Votut viteni navong vit, “Numonuk kihi mari avu onen vangi meatin houlu koa ika en kantri keil houlu.” (Sen 17:5) Ebraham ling demkatien onen en Ahi, kei koa kilea voumon tounah koa mat mai vamoul eris, ka koa ren sakin tounah koa romultei veah mulamu hekistal.

Ka musil rendemien onen, asan matien min Iesu ven tisaen keil orer, ka kei mumoni moul eris ran matien vasakin ir romai rovamal en meten.

Avaseini sise tovuol emun keke Ebraham vakur titiali kati onen vaka en, kei ling demkatien onen en hatkatien koa Ahi sani mini vit, “Hehi mari avu onen vangi meatin houlu koa ika en kantri keil houlu.” (Sen 17:5) Anatin, kei ling demkatien onen en Ahi koa viteni mini vit, “Vatiamal keil onom ihi houlu vis ihi houlu mok isuval hitu keil ekek.” (Sen 15:5)

Sakini, hatkatien koa Ahi mumoni ka en sise ten demkatien. Hemukonek, Ahi hesani min vatiamal keil vasi onen Ebraham housil more envatien onen. Ka hersanteis min koakeil amusil kat mengkatien onen. Ka hesani min koakeil emun aling demkatien one en hatkatien onen Ahi suval koa Ebraham mumoni. Veni Ebraham vi avu orer vasi koa romusil sise ten demkatien.

“Sien hel en koakeil Ahi roleletei mun vatisa en keil ven tisaen one, en koakeil methos onen mul en keil! Sien hel en koakeil Iahova herlestei mun armaltei ven tisaen keil one.” (Sam 32:1-2)

?Ka Tus Votut viten sa? Kei viteni vit, “Ebraham ling demkatien onen en hatkatien onen Ahi. Ka ven koanek, Ahi viteni keke Ebraham mal en meten.” (Sen 15:6)