Popular Bible Verses from Rom 10

Share

Veni munak mivit leini en ongomi keke Iesu vi Asuv, ka mikur anatin eni en tinomi keke Ahi rali lati ran matien, Ahi houtut moulien onami.

Veni navong meatin tai kur anatin eni en tin, Ahi lesi mal tuai en meten. Ka navong vit leini en ongon, Ahi mutut moulien onen tuai.

Sakini, helamu, meatin tai heha hehitehiten more longlongien usil Iesu Kristo min meatin keil. Hevus, meatin keil akilea avalonge. Ka navong alonge, akilea avaling demkatien one en kei.

Veni Tus Votut viteni vit, “Koakeil akur anatin en kei, tounah tovuol kilea vasakin keil avamemou eni.” (Aes 28:16) Koanik vit usil ir vasi. Veni, en meten Ahi, tounah tovuol vateisav en Siu keil ka koakeil arvitei Siu. Ahi vi vati Asuv etin onen meatin vasi keil, ka san tokolkatien koa mariso va min koakeil vasi avise ven kataunien. Koanek suval Tus Votut viteni koa vit, “Meatin vasi koa avise Iahova ven kataunien, kei houtut moulien one.” (Soel 2:32)

?Ka meatin keil akilea avaha avahitehiten selusien enek hemukave munak meatin tovuol vasila lat keil avaha? Koanek suval Tus Votut viteni koa vit, “Navong meatin keil akur more longlongien, amaien one moreite mok.” (Aes 52:7)

?Ka meatin keil akilea avahis Ahi ven kataunien hemukave munak arkultei veah anatin eni? ?Ka keil akilea avakur anatin eni hemukave munak arlongtei veah selusien usili? ?Ka keil akilea avalong selusien usili hemukave munak meatin tovuol vaha vahitehiteni min keil?

Veni Kristo sakin avong koa meatin keil asak visi avakur maluen vaka en mengkatien keil mai rokol keite teni. Sakini, kosa, koakeil aling demkatien one eni, keil varei umai amal en meten Ahi.