Popular Bible Verses from Rev 19

Share

!Rehesi ir ka rehemakul! !Rehemasmas hetetamenien onen! Ven avong ten tetaliheien onen kei koa suval sipsip emai, ka ahin onen sak mesein kei veni.

Eis tai mul en eisin omon ka en horan koa vit, “Asuv Houlu onen asuv houlu savsav keil, ka Avat onen avat savsav keil.”

Evus, nales voiteh ten out nesa seha, ka en out enek, namutimanin nales hos tamuoh tai. Ka meatin koa mul muloh eni vi Iesu, kei koa avise en ‘Meatin ten Anatinien ka Kei koa Aling Desien eni.’ Ka en sakien ten maluen, kei mul lei rahit usite onen meatin keil, ka mul vae ral min vativieh keil onen.

Meten vihil suval ahang, ka vatluvoluv houlu ten hiasuvien amul en vatin. Eis tai, amutisi mul en kei koa kei sasen enges kilea en aneite teni. Ara ka vasi eisin koa musin eni. Ka isen tamun vi ‘Vati Selusien onen Ahi.’

Naef takan tai kistal ka en ongon koa hou vasin meatin tatisa keil en kantri keil eni. Kei helosil kat keil hekeih. Heso ruain keil iha en out ten mari vurohien onen Ahi ten Keihoen ven sakien tatisa keil one. Houmoni min keil hesuval navong avita lin site ran hei grep keil.

Kei vuli kat tirendan tisa ral provet taluvosien onen koa mumon merikel keil en meten tirendan enek keke valuvos koakeil akur metai onen tirendan ka koakeil uva netan min nana onen. Kei son keilu lumoul luva en mari ahang koa suval vuli ahang ten vane.