Popular Bible Verses from Nam 13

Share

Ka Kelep mai vesesal ven Mosis en meten meatin keil, mumon keil tine merau ka vit, “!Rovaha varei, rovakur out! !Veni rokileas rovou lin keil!”

Komai meles keil ave marmarite ka atetaveah, melonge keke mesuval titi kal keil, ka keil iles komai hemukonek eli varei.”

Ka meatin sav keil koa uva ral min Kelep avit, “!Vuo! Ir rorkeihtei rovou lin keil. Meatin keil ten out enek, ave keih imok mulin ir.”

Sakini asakin selusien ten luvosien karahit me-Isrel keil usil atan koa uva alesi koa sakin rendemien one mot. Keil avit, “Atan enek mul san matien min koakeil aro ien. Ka koakeil vasi koa aro en out enek atetaveah.

Keil aviteni min Mosis avit, “Komai meles out enek, ka atan teni tahos imok ka amas mul ien. Koanik vi heiai teni.

Ka meatin keil koa amul en out enek avi avkeih keil. Taon keil one emun amariso, ka vieh keil koa karahiti keih vis keih. Ka tisa mok, meles marmari meatin keil en out enek koa atetaveah koa aka en vatiamal onen Anak.

Me-Amelek keil aro en usite saot, ka me-Hit, me-Sebus, ka me-Amor aro en hou keil. Ka me-Kenan keil aro vesesal ven atas ka out keil koa musil vali Oaisal Sodan.”

ven Mosis, Eron ka me-Isrel vasi keil koa arosin keil en out volvol ten out Paran. Navong umai ris, aviten tounah koa alesi ka arie heiai keil koa akuri.